BB發痺氣時候應怎麼做

其實佢咁撞個頭都係想引你注意，佢知道佢咁做，你就會飛身過去，所以佢一唔如意，就會照咁做，等你再飛身撲去佢到
首先你要知道佢做咩事發脾氣，如果係因為做錯事比人鬧而發既，就唔好理佢，撞地打額頭都由得佢發，當然你緊係要偷偷地望住佢，唔好比佢整損或者太大力啦。因為你鬧完佢，佢發脾氣，你又係咁叫佢唔好發，佢就會越對抗。
係佢喊既期間，你要扮睇佢唔到，做自己野，佢喊喊下發覺冇人理佢，佢就會開始越行越近你 (如果當時有第二D人既話，都要同你配合，千其唔好出聲或者望佢，如果唔係佢就會走埋去果個人到求救或者再向果個人發脾氣) 到佢行埋你身邊就要佢收晒聲唔准喊先好同佢講野，佢一直係咁喊你都唔好理佢。
不過就要有時間限制，因為有D小朋友真係會喊到嘔，第一次就預佢喊5分鐘，過左5分鐘就要佢收聲同埋停止佢發脾氣既動作。可能佢未必會收聲，不過都要搵野引開佢注意力。到第二次就要慢慢加長個時間，一分鐘咁加上去都OK，慢慢等佢知道佢喊係冇用既，發脾氣，撞地打額頭都係冇用既。(一定要偷偷望住佢，如果唔係佢真係撞到流血都唔知)當佢知道佢咁打咁撞都冇用，過多十次八次佢就唔會再咁撞架喇
若果係佢發脾氣期間真係撞到好痛，或者損左流血，你唔好驚住佢流血呀痛呀 (除非真係撞完之後收左聲訓低...大吉利事) 你要慢慢望下佢，慢慢行埋去睇下，唔好出聲，有血就幫佢抹，搽藥水。瘀左就捽佢兩野又行開，比佢知道就算撞到痛都冇用
係佢收晒聲之後你就可以同佢講幾句道理，幾句好喇，話比佢知佢做錯左D咩。之後一定要同佢講咁樣撞頭同打頭係唔岩架，佢而家一歲都明明地你講既野架喇
另一個發脾氣就係佢自己冇啦啦發，或者佢自己有唔如意就發。你既做法都要同上面一樣，唔理佢，不過呢種發脾氣就唔會發好耐，而且會有機會佢自己發發下就冇事。到佢靜止左果時先同佢講撞到會痛呀之類既教導說話
最重要係咁樣教佢唔係一時三刻就會成功，要一步步黎，可能三個月，亦可能一年，佢會慢慢進步。當佢有進步例如佢發脾氣唔再打額頭，你可以係佢發完脾氣之後同佢講完佢唔岩之後，輕輕用讚佢既方式話佢唔打額頭係乘既行為，咁佢下一次多數都唔再打額頭架喇，因為小朋友係極鐘意大人對佢既讚賞既。正面教育係比反面既好用好多
雖然聽落好似好殘忍咁，但係如果你唔係咁做，佢發脾氣既情度只會越黎越勁，到時你點講點鬧佢都唔會再聽你講架喇。最差既情況係如果佢喊極都唔會收聲，你可能要試下帶佢去上堂，因為而家好多小朋友都會有咁既情形，好多時並唔係小朋友既問題，而係爸爸媽媽太愛錫小朋友，一有咩事就飛身埋去。到佢想你去理佢你又唔得閒既時候，佢地就會用盡各種方法去引你注意，等到你理佢為止，佢喊、發脾氣，你就去抱佢氹佢，佢就得米，下次有咩事又會再黎過
以上係本人既經驗同睇左好多關於教小朋友既資料，希望對你會有用，亦希望你小朋友會有好既改善~

2008-08-28 16:07:42 補充：
後加兩句，其實佢撞到痛，打到痛就唔會再撞架喇，雖然佢得果一歲人仔，但係佢都唔係蠢架嘛，所以都唔使驚佢會好痛

2008-08-28 16:09:08 補充：
當佢有進步例如佢發脾氣唔再打額頭，你可以係佢發完脾氣之後同佢講完佢唔岩之後，輕輕用讚佢既方式話佢唔打額頭係"乖"既行為 <--- 之前打錯字

我的bb也是14個月，亦是男孩子，好多人同我講bb仔會較bb女頑皮，但我個仔也是常常發皮氣，我亦看了很多書本講述在這個時期的bb會有常發皮氣的現象，故家長無需太過憂慮，只要知道小朋友為了什麼發皮氣，若發皮氣很嚴重時，你要把他遠離該地方，帶他去一個只有你和他二人的地方，給他冷靜一下，或用其他物品分散他的注意力，慢慢長大後，情況會有所改善，在圖書館有一本書介紹給你，(1-3歲發展與教養對策)。

因為你地冇人注意佢，佢就發痺氣，佢冇訓教既時候，你賞試同佢玩下，睇佢重會唔會發痺氣啦．佢要有人注意佢呀．