想問暨南大學既一D意見!

要睇返你自己中學會考成績，好就唔駛讀
首先講下中國內地嘅教育，佢地係強調背書，咩科都要背，中英數，好似中文作文為例，考試內容以考背書為重(60%)，作文為次(40%)．其次，佢地ｄ科目安排真係好有問題，例如你預科係讀文科，係要讀佢地嘅高等數學，相等香港嘅附數＋純數，如果讀理科，就要讀中國歷史．第三，上堂果陣，大部份港澳學生都瞓覺，打機，有幾多真係會聽書．另外，係內地讀書，佢地ｄ老師教授一定要上堂叫名舉手點名，所以只要你個人去到課室坐係到，聽唔聽書都已經唔重要，第四，宿舍環境唔算太好，你唔好有好大期望，分2/3/4/6個人一間房，第五，關於暨南大學出路，佢ｅ間大學係全中國排名第４７，所以算係國內都有ｄ名氣嘅大學，畢業生係國內工作都可以搵到份好工，但如果返香港搵野做，就另一樣回事，暨南大學ｄ畢業生係香港唔係咁受歡迎（暨南大學有會考０分拎Degree嘅香港學生，要睇你讀咩科，如果讀中醫就唔同，其他就好唔掂，因為好多科都用中文教，唔係用英文)，連會考五科都唔合格所得到嘅Degree，對香港大部份公司黎講，教學質素已經有好大問題，同埋，係暨南大學讀完返香港，都唔一定代表香港ｄ公司，院校，政府會承應，都要經過香港學術及職業資歷評審局check下你所讀嘅科目先得，如果ok,就冇問題，唔ok，就大件事，讀左咁多年＝冇讀，後果真係好嚴重，有學位＝冇學位．另外，係果度讀緊大學嘅香港學生都有個名叫佢自己讀緊嘅學校－－暨難大學，可想而知，該學校係香港學生心中嘅地位，當然，亦都唔係冇香港公司請，但人工大約為6000--7500左右，香港大學ｄ畢業生就會係12000--20000或更多．