隧巴960,961同962應否加密班次?

隧巴960,961同962應否加密班次?

其實呢，班人只不過貪方便

如果我係比成人錢，我便會比$7.3搭出荃灣，跟住去英皇娛樂果度拍特惠站，跟住再去荃灣搭地鐵，咁樣$9.2過到海，總共$16.5

即使搭隧巴有即日回程，計過數平均一程都要$16.95

不過，我係比學生錢的，所以跟本唔會去拍特惠站，咁樣$7.3出荃灣，跟住$5.4過到海，總共$12.7
＿＿＿＿＿＿＿＿＿＿＿＿＿＿＿＿＿＿＿＿＿＿
好，入正題，隧巴960,961同962應否加密班次?

960已經好密，我便認為不需要加密班次

至於961，係疏過960同962，不過係早上的番工時間我係豐景園等車都唔見佢有人企，而60M/60X果D真係有人企係度的
所以，需求跟本冇咁多的，現在的班次已經唔算疏
另外，於2008 - 2009 年度屯門區巴士路線發展計劃中，九巴都講過961會加派多一架車行駛，所以，足夠的了

講開又係，唔知係唔係果牌寫住去灣仔會展，先果排書展同漫畫展果陣係豐景園果度企哂出泥，仲有人迫唔到上車，班人真係，搭地鐵未算，做咩要企姐

跟住到962，係黃金海岸既人都有車嫁啦，我度既有錢人自己渣車，唔會搭巴士的，只不過係D工人搭巴士，D工人最多未搭61M同52X，我便認為應該加密962X班次，仲有，點解960/961都去灣仔，架正常行屯門公路的962X只去金鐘，D人話城巴好好，開架車由屯門去銅鑼灣，我話咁先唔好，962行下路，我單搭61M都要四十分鐘先出到荃灣，真係唔知係碼頭搭962要幾耐先過到海
＿＿＿＿＿＿＿＿＿＿＿＿＿＿＿＿＿＿＿＿＿＿＿＿
點解962咁多特別線,而960,961冇?

960有嫁，有960A,960B,960P，而且962行青山下路，如果你想960有多一點特別線的話，本身的960便繞一繞路啦

至於961，961跟本是960拆出來的，其實客量真係唔多，真係唔知係唔係果牌寫住去灣仔會展，先果排書展同漫畫展果陣係豐景園果度企哂出泥，果陣又唔見條線加密班車
＿＿＿＿＿＿＿＿＿＿＿＿＿＿＿＿＿＿＿＿＿＿＿＿
如果你說應該加密什麼車的班次，我便認為59M/60M/60X/61M/66M便應該加密班車，方便人轉地鐵，同埋唯一屯門出佐敦的路線都要加車，不過，九巴又點會咁做，運輸處D保鐵政策都冇左，點解九巴要比錢港鐵賺，自己賺唔好？

2008-08-28 19:23:37 補充：
去英皇娛樂果度拍特惠站?????
睇左便會明
http://www.mtr.com.hk/chi/whatsnew/fare_saver.html

961不需加密班次，因為雖然係山景一帶都幾多客，但始終少站，除繁時外，客量只是一般。
相反，962超多站，客量居多，更應加密全日班次。
至於962X，城巴已經盡能力方便屯門居民，但因總站只到金鐘，加上班次太疏，很多人見962先到便上，因為962與962X只是相差5~8分鐘便出到中西區，而且去銅鑼灣的人最多，等962X倒不如搭962。962X現時客量只是一般，城巴冇能力再延長服務時間。

59M/60M/60X已經夠密,而61M係友愛已經有頻密的60M,係置樂花園的人大多因為61M行得慢而搭60M,而61M經的黃金海岸等等一帶,個度的人大多喳車,所以61M班次足夠,所以59M/60M/60X同61M唔駛加密班次,至於66M的服務範圍大,而且班次疏,所以66M先要加密班次
仲有,邊個話垃圾運輸處冇左保鐵,如困佢地冇左保鐵,咁948,960b...的路線就有得每日全日服務啦!仲有好多巴士路線開辦啦!

2008-12-31 00:59:35 補充：
960,961同962方面,最好係增加961的班次,因為961係山景一帶都幾多客,而且可以疏導960的客,而係會展有活動搞的時候就更要加961班次,另外,962x最好每日全日服務,比置樂花園同屯門南的人有每日全日的特快巴士過海,唔駛經黃金海岸等地,至於960,最好延長到富泰,經兆康,方便富泰同兆康一帶的人
to最佳回答,搭屯門隧巴過海咪幾快,就算搭962,1個鐘都過到海,到荃灣轉地鐵,大約半個鐘出荃灣,加地鐵的1個鐘,都要個半鐘啦!