一個人join tour玩怕唔怕悶?

其實都唔會好悶。小弟之前都曾經兩次一個人join團去巴黎同埃及玩。雖然你係團入面無咩朋友，但通常你都會被安排同領隊一齊住，領隊就自動變成你係旅程入面最好既朋友。其實我反而鐘意黐住領隊，因為佢一定見多識廣同肯定最健談，佢又一定會睇住你多啲，所以同領隊一齊開心又放心。

團友我反而唔係幾鐘意，因為要兩個啱啱識既陌生人夾嘴型唔係咁易。而且，每個人去旅行既哲學南轅北轍，好多時你比佢地激死多個病死。我去埃及，成團全程坐豪華巴士，幾乎連參觀都有人抬埋你入去，理論上都唔係好辛苦，但竟然全團除左我同一、兩個後生啲既團友之外，其他人都係大部份行程中病到就黎死咁。佢地以為去埃及係去布吉旅行，成日都話辛苦。而且佢地仲要怕攰，瞓少啲都唔肯，連累埋我同全團無得去阿布辛貝神殿，我唸我地都係全港第一個埃及團去唔到嗰度。去巴黎嗰次，有幾個師奶飛半個地球咁遠就係為左去行街買LV，聽佢地講好似無咩行過啲名勝古蹟，於是我就焗住要一個人流浪巴黎。所以唔好以為所有團友都好易話為，有時你真係唔能夠配合佢地。即使係參加旅行團都好，你一定要唸清楚去嗰度係為左乜，然後盡量同領隊商量睇下可唔可以滿足你既行程。

只要你主動少少....
好快在團中識到朋友
所以一定唔會悶