我隻金毛上星期死了,1歲,骨灰放在家中.最近買了隻金毛BB,BB是否臭到骨灰味?

唔關骨灰事. 而係你在帶新BB狗番屋企前無用消毒藥水徹底清漂過屋企, 所以仍留存有舊狗狗嘅味. 所以BB狗會以為有其他狗在家, 又見唔到, 好迷網.
而家佢巳在家, 就唔好搞咁多嘢. 而且有養狗嘅家庭最好洗地時記得要過清水, 否則狗狗行完地板又啜腳就會食埋d洗地藥水落肚, 會嘔及中毒.
你可在睇電視時抱住狗BB, 又或抱佢落樓行吓街 (但咁細隻唔好放落地, 地下好多箘). 多d同佢有接觸, 佢就會親近你多d.
佢咁細, 如果佢周圍尿尿, 唔好打佢, 否則佢會驚咗你 (人BB瀨尿父母都唔會打佢啦). 到佢大d先慢慢教.
最後, 勸你揾個離島埋咗舊狗狗骨灰啦. 放在屋企, 始終你個心會放唔低. 唔會全心去鍚新狗狗. 狗好有靈性, 會知你唔一心對佢. 而且俾舊狗狗回歸青山綠水, 佢在天之靈都會開心d.

在醫院見到牠的屍時,我沒有見到牠臨死時的一刻,我見到牠的屍時,牠的眼有淚水,我說過要帶牠回家,會否不好?

我都試過放去世嘅狗狗骨灰响屋企，好多人都話唔好，但我覺得百無禁忌，但事實我後耒安放咗去其他地方後，家裡其他狗狗開心咗好多！
你新狗狗唔係臭到骨灰味，只係覺得主人仲掛住以去世狗狗，而你仲放骨灰响屋企，去世嘅狗狗就因你未放開，可能仲响家中，小狗会feel到！盡快把骨灰安放好，對你及狗狗都好。
要小狗親近你，只要比佢知你係主人及佢就得！唔係要教，亦無得教，只要真心對佢，佢亦會真心對你，呢Ｄ就係咁多人鍾意養狗狗嘅原因！佢哋好單純無機心！