公開大學好唔好？

上面位朋友講左OU兼讀的情況，咁我就補充一下遙距的情況。遙距課程可以彈性好多，快起上來3年都得(早上有份工就辛苦d)，一般4-5年可讀完，我聽過有d讀左10年先畢業。因為遙距每個學期至少可以報一科，最多可以報大約六科，視乎你的時間同財力。Hon degree大約讀130學分，你可以去ou網頁睇下，10分科讀一學年，5分科讀半個學年，可以自已預算下。學費方面，10分科大約1萬，你果個學期報幾多科就交幾多錢，報名時要交齊，唔係攞唔到教材，可以申請佢地張信用卡做分期交學費，每年簽賬夠一定金額就免手續費。如果讀3 科的話，每個月交約3千幾，張卡過左數就要開始交。學校有奬助學金，不過要填一大堆表，等審批，都係交晒學費之後的事。
僱主認受性，恕我不太清楚。但對於外間認為ou有錢就讀到，就不認同，因為每科都要做3-5份功課，佔50%。考試，佔50%。我AL成績好過你，但係都試過無心機/時間做功課就唔合格。ou的drop-out rate係好高，因為校方要保住聲譽，佢地肥人唔留情，反正學費都收左，你唔合格仲好(我黑心咁諗校方)，retake又要交過學費。唔同其他大學，吹下水交份功課，衰極都合格。所以你問有無用，睇你點定義，因為如果畢到業，就真係學到野，至於對你升職加薪有無幫助，真係唔知。

公開大學唔好 !!!!!!