✔ 最佳答案
唔好聽班康寶萊Sales講,佢地賺錢實講到隻野天上有地下無。我曾經用過,可以講下自己親身經驗。
我響十年前曾經食過呢隻野,當時我128 lbs,聽個朋友講佢識得個女仔食完減左十幾磅,瘦左兩個碼,於是就去問下資料,個sales就說我買set野食。入面除左蛋白粉之外,仲包左幾隻藥丸、運動茶......一大堆野,食齊的話頭三個月減磅會好快,減到110 lbs左右。不過之後就無再減磅。
食左半年左右,見無乜減磅,都有點猶豫好唔好繼續食落去,因為維返條數每個月都要千幾蚊,對我黎講實在係個好重的負擔。個sales見我減肥成功,知道我好快就唔需要再幫襯佢,就以「保健」的理由叫我繼續食落去,仲博命慫恿我做佢下線,叫我入貨賣佢地的product。正在猶豫之際,無幾耐睇到單新聞,嚇到我唔敢再食,立即將佢地的product全部掉哂。
我一向都無便秘問題,響食佢地的product呢段時間,我D便便變得特別鬆特別軟,每朝去廁所唔用力便便就會自己出黎,去得好舒服,但一停食就慘啦,成個禮拜都去唔到一次廁所,完全無便意,要坐響個馬桶迫自己去,谷到面都紅哂先出得少少便便,仲好似石頭咁硬,分明就係食到條大腸懶左同鈍左,唔識自己郁去推D便便出黎,亦唔識發訊息畀大腦知要去廁所。無便秘都畀佢攪到有便秘,唔怪得個sales唔想我停食。從此之後我就敢再用任何口服藥物(無論係西藥、中藥還是草藥)去減肥。
至於體重,停食之後,一個月就重左2 lbs,三個月就去返115 lbs,唔夠一年就打回原形。如果一停食就立即翻脹的話,分明唔係一個理想同成功的減肥方法,而且亦唔值得冒咁大個健康的風險去減肥。