新同事結婚派請帖，同佢唔係咁熟，唔想太破費，可以點應付？

安伯話：凡事要往好處諗，你無番咁上下地位，個新同事點會請你飲？唔寒酸得架。

錢唔係問題，反正唔去都要俾人情，咪開開心心去食餐勁！

約定腳，準四點到會場打番幾圈，搵人幫補下；食多幾件西餅當下午茶。

揀定個上菜位，唔正唔食，紅酒任飲，一於盡興。

臨走記得掃清美點雙輝、炒飯伊面，橙有幾多袋幾多。

既然你同佢唔太熟,我諗你都未必打算會去,依家公價去飲就$500,唔去都$300,如果你嫌$300都太多的話,你可以夾埋另一個跟佢唔太熟,又唔打算會去飲既同事,每人夾$150,湊夠$300俾佢,都唔會太難睇.
或者如果派帖果個俾你係女的話,求其送份禮物俾佢,都可以當祝佢新婚快樂,公仔呀...相架...甚至乎家電都可以,不過預算會大d,所以俾我就搵人一齊夾$150好啦.

雖然係新同事啫,但作為準新人有時要請人都幾難做決定架,真係請又係唔請又唔係,有時人地請你未必係想收你份人情,但如果請其他人唔請你又唔好意思,大家一場同事驅驅幾百蚊你咪代人高興下lor,或者遲下你自己都有機會請人飲呢?

你同佢唔熟嘅話：
(唔去飲)：$300 cash
(去飲)： $500 cash

搵兩三個朋友夾份送件禮物咪唔失禮咯

其實唔好飲基本封利是都要$300
不過你可以試下問下其他唔去既同事
夾錢買一份禮物給一對新人
可以平少少既,
不過我見議你都係唔好為左$300而比人唱你
況且有幾何會成日有人結婚呀

可以送合金沙比佢=]
或者
封$100以下利是