社工課程幾時開始面試招生?

如果你想報讀兼讀制的高級文憑或副學士課程，咁就只有理大同城大先有，大約在每年1至3月報名。但你要睇番你會考成績如何，而你個年齡又未夠以年長生的資格申請，所以呢條路的可行性比較渺茫。
如你得中五畢業，而會考成績一般，咁可以考慮報副學士先修，讀完先再讀副學士社工課程。現時有好多學院都有社工的副學士課程（港專、嶺南、徐誠斌等等），評價參差不齊，而畢業生有較大機會被壓價。報讀與否，你可自己考慮。
而你只得7個月工作經驗，基本上係完全無幫助。工作經驗只會在你用年長生資格申請入學，再加上有兩年以上工作經驗，再由機構推薦先會被考慮。
高級文憑同副學士全日制都係讀兩年，高級文憑兼讀制就要讀4-5年不等，副學士兼讀制就3年左右。
高級文憑（全日制）學費一年約3萬幾蚊，而副學士就4萬幾。全部課程都可以借錢讀，不過唔係個個課程都有低息貸款。詳細資料你要向學院或學資處問。

我係現職社工，睇到個field真係唔係咁健康，再加上有個別學院的畢業生真係好唔掂，畢到業到搵唔到野做或俾人勁壓價，所以勸你最好真係諗清楚先做決定，無謂浪費金錢及時間。