請問邊度有黃油蟹散賣呀 ???

想食黃油蟹 ,唔岩時間喇,向端午節前後度 4 至 5 月就岩,宜家開始準備食大閘蟹喇,你要買就去灣仔我知道係有兩間 4 季都開,鵝頸橋有一間叫宏太記,另外灣仔律敦治醫院附近有一間,不過果間好d 有個介紹你買野的員工幾好,唔多花巧,考埋你點整,佢叫富哥,我要搵番間鋪叫乜野名先可以答到你,

若買到返屋企 , 係咪用滾水蒸就 OK 架喇 ??? ( 我見有 D 酒樓用酒黎煮蟹 , 係咪會好食 D 架 ??? )

唔係咁整架,到時你買左隻黃油蟹咁整就錯哂喇,實漏哂d油,
黃油蟹有得200 至 400 都好好架喇,

想食黃油蟹，我就一定會同青山灣三聖邨關財記留，因為我亞叔幫襯左佢地十幾年，佢除左供應飛機海鮮外重有時款海鮮，如黃油蟹等，聽講黃油蟹佢在流浮山同班批發收番黎架，應酬下班食客，但供應好有限。如果你真係要搵，你查黃頁電話，搵老闆個細佬May少(姓關)，佢好好招呼，話係何福堂中學舊校友，(何福堂班舊校友大部份都係佢老主顧)通常都會答你ga

我早 2 日係街市見到有 黃油蟹散賣, hk$50 元一隻, 不過, 唔知d黃油蟹係唔係正宗果 d