ex 睇到會有咩反應???

又係第一次用筆寫俾你既信... 今次係因為我地真係分左手,所以特登寫俾你, 頭先我計過...我地一齊既日子有360日... 未夠一年,
但已經經歷左唔知幾多野...
今日我搵你既原因只係為左等自己好過d... 並唔係再同你一齊,我唔知將來既人會唔會係你, 我太驚你鐡石心腸, 對街外人還好, 但對我...
有d 可怕... 所以為左要令自己死心... 我決定做d 從來都未做過既事, 等我自己心息... 等...
或者係呢個時間, 我可能仲好掛住你... 你呢???
你會話以前既野, 過左去就算... 但係我地之前發生過太多太多...

我地一齊發燒...之後, 我地好番... 我以為我地唔會分開... 到之後, 我地有argument...

我第一次係街度等左十個鐘... 希望你明白... 我自己一個人等到十點幾... 我先明白我有幾重要... 係你心目中我... 有咩地位... 我知呢個時間你並唔係再好似以前一樣... 之前係你女朋友...你擔心我受傷撞親... 每次我話" 有咩問題" , 你都會話... 你有冇搞錯... 我一直都冇話你知... 係因為每次我聽到你話我...都知你好鍚我, 驚我有事... 每次都覺得俾你話, 但係我都係好開心...
依家我唔再係你女友, 你已經完全唔理我... 之前我同你一齊, 並唔係因為你有銀雞... 咩成就... 我愛你係因為我知你有目標, 亦都為我而努力... 為我地可以一齊搬出黎住而奮鬥, 呢d野對我好重要... 一年前我地約定有自己既屋企... 要一齊生活... 知道大家就係對方既一此...
呢個係我地既約定...

可能你話我地都分左手, 有咩都唔關你事... 你話之後都各自各生活... 有自己既另一半... 唔係好事咩???
我係咪要好努力咁忘記你???
我知你唔可以做朋友... 之後既gathering 都唔會再見... 以後既事... 我唔會再知道大家既存在...
大家要有更好既生活... 但係...

原來我真係好痛... 我唔知我點先可以忘記你... 我唔似你咁冷血... 我唔可以一夜之間... 將你當做陌生人...
你會同我講話我地冇結果... 但係...
依家我睇到好多野...都要諗起你... 所有野都有你既存在...

上年既生日我冇同你過... 今年我都同唔到你過... 但係之後既每一年, 希望你會記得有人曾經好愛你...而你都一樣... 好愛好愛過佢...