鹵水雞翼&雞”除”

我會去街市雞檔買已分體的雞，所以，D雞不用醃。鹵水汁煮滾後，我通常將D雞放下，浸過面，細細火煮5分鐘左右，然後關火，唔好開蓋，讓D雞在鹵水汁中浸最少30分鐘，咁就好好味！
鹵水汁用完，好似你咁放入雪櫃，但每次用都放幾片薑，蔥及芫荽數株，老抽少許。除了味道，這樣做法，是防止再用的鹵水汁產生致癌物質！
如果，久唔久會用，雪得好，真係可以用好、好耐都無問題！

去超級市場買支李錦記鹵水汁 , 一碗汁 , 一碗水或碗半水比例 , 大火滾啲雞翼10~15分鐘 , 息火 , 一直浸住啲雞亦(如果要完全入味就最好有一個鐘以上) , 直到食前再煮熱 ,即可

啲汁我多數會用完一次就放入雪櫃下次再用 , 下次再用就會加半碗新的汁 , 不過我唔會雪好耐 , 一般都係幾日咁囉 , 去超級市場買咩汁都有 , 唔使自己煮 , 幾好 !

啲汁仲可以整好多野 , 雞蛋啦 ,牛肉啦 ,豬耳啦 ............等等 ...........

我因為是上班一族,故煮雞翼也要求快、靚、正

1.前一晚先醃好雞翼
a)雞翼溶雪後用粗鹽加豆粉/生粉”省”乾淨
b)加豉油、老抽、鹽、酒、糖、麻油、胡椒粉及少許雞粉放入雪櫃醃一整晚

2. 用1份李X記豉油雞汁 + 1.5份水 + 羗2片 + 冰糖少許,煮滾後先試味,如不夠味可再加少許李X記豉油雞汁,然後加雞翼煮15分鐘,之後唔好開煲蓋,焗佢15分鐘以上,便做到好好味的雞翼

3. 我煮雞翼的汁會先放涼,然後放入雪櫃,下次用時先把上面之油層除去,翻熱後再加入新汁