我D鱼吃D咩

如果就咁答你「魚糧」，你會鬧鬼我。分開講啦：
１．人工糧
你ｄ魚可以分成兩大類：底層魚（鼠魚）同中上層魚（其他）。呢個分法係大致照主要停留水域咁分，呢個水層亦係佢主要覓食o既地方。
其他魚可以餵各式片狀糧，ｄ片浮一陣、吸左水或俾魚啄下就會沉，所以中上層魚都食到。萬一浸到去缸底，就到鼠魚有得食。當然你可以落好多糧，等上面ｄ魚食唔哂，鼠魚就會有多ｄ糧，但咁做可能會變成餵食過量，影響水質。
所以有ｄ餅仔咁o既沉底糧，入水幾秒就去到底，咁鼠魚快ｄ就有得食。但留意，中上層魚唔夠食都會去埋底層搶架。總之唔計沉底糧，投糧份量指標係約三分鐘要食得哂。
２．活餌
多數人用活餌會用紅蟲或豐年蝦。紅蟲用新鮮蟲的話，要自己洗淨，同時因為紅蟲活於淤泥裏面，當中有可能有其他小動物、蟲仔（如食魚仔o既蜻蜓幼蟲）。呢種糧絕大多數魚都食，你o個六種都係，包括鼠魚，因為紅蟲唔叻游水，主要都係沉底。
豐年蝦（成體／幼體）會游動，營養極豐富，係好好o既餵料，尤其係嘴細o既魚，特別係魚ｂ。其實乜魚都適合，但鼠魚如果要食，就要等到豐年蝦沉到底，呢個唔多正常，除非係死左或冇乜活力o既豐年蝦。
－　－　－　－　－　－　－　－
所以，可以咁講，除左鼠魚外，其他都唔駛特別照顧。
另外，神仙大左會食魚仔。

我D鱼吃D咩：
　
斑马鱼
神仙鱼
孔雀鱼
红剑鱼
四间鱼
老鼠鱼

　　　金鱼糧

我D鱼吃D咩：
　
斑马鱼
神仙鱼
孔雀鱼
红剑鱼
四间鱼
老鼠鱼

　　　金鱼糧