維多利寵物診所[[tuen mun]]]

維多利寵物診所

網址:http://www.victoriavet.com.hk/chindex.html

我就唔係啵,
我以前只兔仔一直睇開依間,
有d醫生鍾好好添,
睇你遇唔遇到,
我只兔養左10年先死,
一直有病都係睇開依間,
當我只兔3年幾時,
佢4肢唔可以動,
個次個醫生只打左一支針,
早上09:00am去睇,中午12:30pm左右我只兔公已經去搵佢老婆啦,
只用左$300幾蚊,不過係12年前的事了,
因為我只兔死時是10年左右,
已經係6年前死左架啦,
佢一直係死前都係睇依間診所,
每次有事都睇佢,

2009-03-05 01:36:32 補充：
剛留`言唔係太詳細,係因為我依家身邊只兔有病,
聽日要去維多利亞上水個間睇醫生,
我之前養的個只兔仔係我至愛,我叫佢做"亞仔"
我當佢係自己仔咁,
話說第一次去維多利亞睇時就係上邊講的個次啦.
當時係晚上我只兔係3歲幾時的一晚忽然4肢冇力,
成只兔爬左係地,
我當時睇明珠台話兔仔只有3年幾命,
當時大哭,因以為只兔要死啦,
點知第朝一早09:00am到維多利亞後,
個醫生可能見我哭個不停啦,
佢只收左我hkd300幾蚊啵,幫我只兔仔打左一支針,
咁12:30pm左右我只兔仔已經識去"了"佢老婆啦,
之後我只兔仔每有事都去搵佢架,
一陣再講

其實呢...
動物同人都一樣，睇醫生都係講"甲"唔"甲"...
動物有病同人類好唔同...所以收費都會比較貴，正如好似去salon咁，點解有d剪頭髮收幾千蚊，有d就百幾蚊！

亦都聽過話維多利唔好...有好多有養寵物的朋友都話東方差到無人有...點解會有人覺得差，都係一個傳一個！
個人認為，維多利都唔太差，講到比較好就係大圍果間！
好唔好，唔好只係聽別人講，最緊要係自己決定！

唉 !! 我哥哥隻八哥仔都係因為佢地既醫療失誤攪到牠走了.....呢到食人唔lu骨..比左萬幾蚊都救唔返 , 錢都唔係問題 !! 你要錢我比你囉 , 但唔好咁無良心 , 鬼唔望佢地既後代做返寵物..>_< !!

好狼咖,呢間嘢,我試過係街度執左隻流浪貓仔,我執o既時候貓仔係俾個好大o既垃圾筒壓住小小腳仔,肉眼睇好似係壓住啲皮.我驚貓仔隻腳有事,就帶貓仔去呢間診所睇,個醫生只係將隻貓仔放o係張枱度,睇住貓仔行,就話無事,又唔同貓仔做檢查,乜都無做,就咁就收左我220元,佢地就真係好搵錢呀.仲要唔係今年o既事,而係發生係三年前喎,可想而知幾貴幾離譜呢.仲有,07年1月我隻貓無啦啦嘔,食乜飲乜都嘔,我帶佢去呢間診所度睇,睇完出嚟仲衰,佢地就叫我去元朗嗰間維多利,去到又驗血又要吊鹽水,住院一日,一個醫生話走得,但話走得嗰個醫生後尾又唔知去左邊喎,第二個醫生過嚟,問我需唔需要攞藥,俾我感覺好似乜都唔知,到最後隻貓返到屋企,一日廋過一日,帶返去睇,講左四次俾個姑 娘聽,個姑娘可能以為我唔識聽英文啦,完全無同醫生講,我隻貓係因為之前係佢地度搞成咁.所以我以後都唔再帶貓貓去呢間診所,反正有病都睇唔好,去過第間好過.但係彩虹我就唔覺得好啦,因為我隻貓係佢度只係做節育咁小o既手術,仲要係男仔添,都會死左,所以唔敢建議你睇邊個邊個醫生.

如果你住o係tm, 我會推介"彩虹", 在良田村架, 雖然診所細細, 不過醫生好好, 佢得一個醫生, 所以一定會follow, 我地試過打電話問野, 佢都肯答, 又試過去到check到其實冇事, 佢都冇收錢

copy其他人...千其不要,我6個月前帶我的狗狗睇醫生,因為牠喘氣,他們叫我半個鐘返去,因為要照x光及驗血,但半個鐘後我看到嘅係已經死咗兼且口還流血,他們話牠好能驚所以心臟病,但我唔明佢地做咗咩令牠驚仲要話照咗2次x光都照唔到,只係驗咗血,所以連之前點解喘氣都唔知但錢照收,後來朋友問仲咩去呢間原來之前已經有2個朋友嘅寵物死係呢度,所以你要小心選擇診所,不要後悔終身,我建議你去元朗動物診所在新元朗中心天橋底.