飛蛾與蝴蝶的(幼蟲和蛹)有咩方法可以分別出來!!!

飛蛾與蝴蝶都屬於鱗翅目, 佢地既成蟲分別本來就好少. 而且分類係好人工化, 好多時同係飛蛾之間既分別 大於飛蛾與蝴蝶之間既分別, 仲未計有d科係飛蛾定係蝴蝶都仲有爭議. 話你聽, 當你認真細看編在蝴蝶既科, 有d係灰灰白白地色[菜田裡既粉蝶], 什至翼係平放既[例如skippers], .... 根本就係飛蛾咁既樣. 有d飛蛾呢, 色彩斑爛而且係日間飛行[uraniidae,日向飛行蛾], 唔仔細檢索, 好多時被人當成蝴蝶.
蝴蝶屬於Rhopalocera 係鱗翅目中自成一國. 不過, 飛蛾就由好多[國]組成, 所以飛蛾之間既分別大於飛蛾與蝴蝶之間既分別. 唯一一個令Rhopalocera 自成一國既理由就係佢既成蟲既觸角. 呢樣野, 幼蟲和蛹係冇既, 即係分唔到囉.
都唔係完全冇希望既, 唔係definitive 既分別都可以係general 既分別, 即係大部份情況下[不計例外者]通用既分別. 即係, 飛蛾既蛹外面多數有絲結繭, 而蝴蝶就多數係光脫脫既蛹, 出面冇絲.
唉, 例外就係skipper蝴蝶係有絲既繭, gypsy moth飛蛾係冇絲既蛹... 即係話, 呢個唯一既所謂分別, 應用都好有限, 係咪講左等於冇講, 就見仁見智啦. 呢度仲有大一堆關於成蟲既資料, 大量既exeption, 又係咪講左等於冇講?
http://en.wikipedia.org/wiki/Difference_between_a_butterfly_and_a_moth
===
結論:
朋友, 要知個隻野係飛蛾定係蝴蝶, 單單睇幼蟲係分唔出, 就算睇蛹/繭來估, 都係五五波 [有可能估錯], 見到成蟲破蛹而出, 都只可以估中九成, 仲有個一成呢, 唔可以偷懶, 去圖書館搵本書由檢索做起, 直到對到一張圖既翼紋同你手上個隻一樣, 你先至可以肯定佢係蝴蝶定飛蛾.
在下為左做一個本地飛蛾+蝴蝶檢索表, 做過半年標本搜集, 再搵高人指導, 可惜失敗收場. 就係因為個d討厭既exceptions!! 回頭一想, 抑還是本來蝴蝶就不應該和其他飛蛾分家, 所以, 昆蟲學家幾百年來都將佢地編係鱗翅目就算, 根本冇當佢地有咁大分別???
值得深思...