二戰德國的Maus問題

鼠式坦克完全係希特勒發癲先至唸到既武器。有呢個唸法証明佢對裝甲作戰既認識幾近於零，因為只要佢認真研究一下德軍重型坦克係戰場上既表現，就會知道一味加重坦克既裝甲唔單止無幫助，而且更令部隊既作戰效能降低。

德軍重型坦克包括虎一及虎王兩種，另外可以加埋各式重型驅逐戰車，如獵虎式、突擊虎(一種只有18架產量既流動大口徑臼炮)、象式(或稱斐迪南式)。無論係咩都好，以上既所有裝甲戰車都有以下既特點﹕火炮口徑同威力都嚇死人，但速度奇低，而且由於太重，令越野能力幾近於零，但懸掛系統同波箱都負荷極重，令佢地經常壞，仲要係經常係實戰既時候壞。壞左仲要因為佢地太大舊所以好難拖走，一係就要用另一架重坦克，例如虎一坦克就有唔少次要拖另一架受傷既虎一走，但一架健康既虎一已經隨時壞，要拖多一架就簡直係自殺，通常既後果係連做拖車嗰架都跪低埋，所以後來德軍高層要嚴禁有作戰能力既虎式戰車做拖車。唔用普通戰車，就要用專門既重戰車救援車，德軍有一款由虎式戰車改裝既重型救援車，但數量極少(好似得十幾架)，根本就無辦法應付需要。所以一般黎講，德軍重戰車若果唔郁得，通常都被迫要放棄。仲有一樣野令重戰車好難有實質貢獻，就係佢地要太多資源生產，令產量過低，生產週期過長，虎一造左五百幾架，虎王得幾十架，其他幾款驅逐戰車既產量加埋都唔過200架，上述連七百架都無既各式重戰車本身對戰局影響輕微，再加埋嚴重既非戰鬥耗損，就更令佢地變得無用。

呢啲重戰車就算係正常狀態都唔係咁有用。以派巴(Jochaim Peiper)戰鬥群為例，當時派巴手下有唔少虎一同虎王戰車，但由於佢地行得太慢，於是派巴叫佢地行隊尾算數，而且佢地離主車群都好遠，要勁耐先追得番。後來到真打時呢啲重坦克亦唔係咁有用，成個戰鬥群被打到殘，無論派巴自己定係佢既手下都要逃走番去自己既戰線。雖然有一啲好似魏特曼等既英雄人物，但呢啲重戰車一般既表現都唔好。鼠式比以上既重戰車要大多一個碼，就更明顯係無用，所以唔發展係絕對正確既決定。

2008-08-23 19:25:10 補充：
想回應一下隔離Bingo既問題。德軍重戰車既單純以火力黎睇梗係嚇人，但問題係呢啲重戰車本身數量少，威力大，應該係有戰略價值既利器，當集中使用既時候應該要能夠產生有戰略意義既戰果，問題係德軍重戰車可唔可以負上咁重大既責任﹖

2008-08-23 19:30:20 補充：
答案就梗係唔得。虎一於1941年冬天於東戰場北線首次參戰，並於庫斯克戰場大量使用。之前德軍既輝煌戰績同虎式以後既所有重戰車都無關。東戰場北線德軍打成點就唔駛講，而庫斯克既德軍係倚賴虎一戰車既情況之下亦無法完成戰略目標。虎一尚且如此，其他極笨重又產量極少既重戰車又點﹖我係正文已經講左，派巴戰鬥群入面既虎式戰車唔單止幫唔到手，而且仲要拖慢整個車隊既速度，而大部份重戰車亦係無經過戰鬥之後被廢棄，可見呢啲重戰車實在無咩用。

2008-08-23 19:35:44 補充：
點解會咁﹖原因好簡單。因為呢啲重戰車設計唔實際，根本唔適合惡劣既戰場環境。當然梗會有幾個倒楣鬼死係八十八毫米炮之下，但問題係佢地點好打都不及產量不足及機械故障造成既戰力不足。德軍係戰爭後期其實從來都唔係以重戰車為主力，而係以四號長炮管型及豹式(尤其係G型)等既中型坦克作為核心力量。因為呢啲坦克設計較為合理，無論生產同戰場表現都可以滿足需要。

2008-08-23 19:41:40 補充：
另一個令德軍重戰車唔係咁有用既原因係其實西方盟軍同蘇聯本身都有唔少重戰車。美英聯軍係歐戰時已有被稱為珍寶(Jumbo)既改良型雪曼坦克，後來更有M26潘興(Pershing)戰車。呢款戰車無虎咁出名只係因為佢太遲入役，但實際上佢既技術參數仲勁過虎式。90毫米炮同110毫米既正面裝甲絕對係當時頂尖裝備，如果呢款坦克早啲普及，肯定令德軍係前線完全無裝甲優勢。

2008-08-23 19:49:53 補充：
而蘇聯就更恐怖。IS系列戰車勁過虎式一皮，而好似SU-152等變態戰車更係殺晒。就算唔講呢啲怪物，蘇軍主力中型戰車T-34同KV系列都陸續裝備同樣大威力既85毫米炮，德軍重戰車就算面對呢啲中型戰車都只係有些少優勢，點同上述既裝甲怪獸打﹖講咁多野只想証明一樣野，就係生產重戰車絕對唔係德國既專利，西方盟國同蘇聯比佢有過之而無不及。德軍連比鼠式小一個碼既各種重戰車都難以維持，更大更複雜又更笨重既鼠式會比佢地表現更好﹖

2008-08-24 12:22:26 補充：
淺薄既係Bingo姐。Bingo剩係識捉人字虱，而且好明顯佢係睇大陸網嗰啲亂嗡當秘笈既野大既，呢啲小節我唔同你拗。我介紹你睇一本書，叫《German Tanks of World War II》，係一位中立英國作家寫既，裡面有大量關於各款坦克既技術細節同實際戰術表現，Bingo睇完可以自己判斷入面講既野啱唔啱，呢本書係公共圖書館有得借。

2008-08-24 12:33:23 補充：
Bingo最淺薄既係佢唔睇人講乜。我既理論重點係德軍重戰車無辦法帶來德軍高層想要既戰略優勢，呢個係事實，所以由此推論更大更重既鼠式只會令情況更差。Bingo唔睇人地寫乜，剩係針砭一啲芝麻綠豆既細節，睇細唔睇大先至係淺薄。我近排睇全球防衛雜誌，連續兩期講蘇軍KV同IS系列，據該文所講，德軍係戰爭後期都幾怕蘇聯既IS系列，連高手Ernst Barkmann都咁講，仍然係嗰句，重戰車唔係德軍既專利，而且去到戰爭末段，德軍既重戰車連戰術表現都不及蘇軍重戰車，更唔好話帶來戰略優勢。

2008-08-24 12:36:56 補充：
Bingo完全唔睇人講乜又亂嗡，真係好煩。我已經係正文部份講左德軍重戰車既數量同戰場表現，你完全唔睇就話人，我無野好講。而呢啲資料大部份來自《German Tanks of World War II》，都係嗰句，Bingo睇完可以自己判斷入面既資料是否準確。

2008-08-24 18:24:33 補充：
Bingo真係好打有限，連大名鼎鼎既Ernst Barkmann都唔識，睇黎有排溫書惡補。佢係帝國師既坦克英雄，坐騎就梗係同Wittmann一樣係虎一。另外《German Tanks of World War II》係一本極專業既著作，入面對德軍裝甲戰鬥車輛有非常詳盡既介紹，連佢地支炮係幾遠打穿幾厚既裝甲都講埋，仲搭單講唔少戰例，唔係Bingo睇開嗰啲大陸書可以相提並論既。

steven真係受「歡迎」,去都邊都可以惹人鬧,佩服佩服!成日係到捉人字虱就話人地捉人字虱,講到尾都係怕同人地正面交鋒

Maus的可行性當然不是零，以它之設計，估計是用於陣地防守，所以慢些少亦不是問題，這可以說是自走炮之老大哥，或可以稱為野戰自走炮。如果德國當時有1200匹以上引擎，與及有液壓避震機，Maus是一種可行設計(以當時德國之情況下)。要知道t-34之可以高機動，是因為配有液壓避震機。而1200匹馬力引擎當時只有使用電油之飛機引擎，如使用戰機引擎，散熱問題卻又會同時出現。所以當時德國很難生產一部Maus戰車，但不代表不可行。如果以現時技術，製造一部188噸之坦克就當然無問題，只是石屎道路無法應付而已。
為何德國當時需要厚裝甲及巨炮，這是因為當時德國軍事形勢吃緊，無論生產力及補給上都出現問題，如能成功製造出一些超級武器，是會對當時之戰果會有極大幫助(估計這是希特勒當時之想法)。但事實當然不是，這可在德國最早發明之衝壓噴射戰鬥機中看到，因數量太少，起不了作用。
而虎I戰車之維修問題，極可能是與其防彈設計有關，因使用重疊車輪設計，令維修困難，故障率亦高。當然亦不排除是縣掛系統之問題，無法足夠應付坦克之運動。

2008-08-24 12:43:24 補充：
德國在二戰很喜歡設計一些專門用途戰車，分輕型、重型戰車。例如二號戰車是會配小口徑炮或只配有機關槍。與美國使用一個車身標準，零件可以互換，配不同槍炮武器來使用，這樣就可便利維修及生產，間接令盟國勝出。

評價德國重型戰車最典型既應該係盟軍方面，我僅問一個問題，盟軍及蘇軍是否害怕這些重型戰車？

2008-08-24 01:47:04 補充：
真係淺薄。
糾正一下，虎一型首次參戰在1942年秋季（請不要出現類似錯誤，尤其在回答我以下的問題時。這些都是很容易查到的資料）。
但可以匹敵虎一的IS-2在何時何地首次參戰？M-26在何時何地首次參戰？
在這兩種坦克出現之前，盟軍的對應方法？戰果如何？

2008-08-24 02:05:58 補充：
同樣以Joachim Peiper為例，他所率領的Kampfgruppe Peiper兵力如何（注意他指揮的部隊有很大一部分落在後方而並未陷入包圍）？所面對的美軍部隊兵力又如何？更何況在Stoumont同La Gleize兩地作戰時，德軍都係極度缺乏彈藥及燃料。

德軍重型坦克的討論，關鍵在於數量與質量問題，而非你提到的重型坦克缺點，這就是你淺薄之處。

2008-08-24 14:23:47 補充：
Ernst Barkmann？他用乜坦克？而家講緊重型坦克啊。

2008-08-24 14:26:37 補充：
至於你話個本書，我從來吾會買尼D百科全書式既野，我買既通常都係一本書講一種坦克。所以我話你淺薄係有道理既。

2008-08-25 11:05:29 補充：
Ernst Barkmann坐騎同Wittmann一樣係虎一？！
你本書可以拿去燒拉。