✔ 最佳答案
電結他,由於設計上有較多功能及電子音效輔助,可彈0既音樂類型好廣泛,由慢舒情至快搖滾甚至痴狂崩都得,但玩古典同民謠就無辦法玩到木結他個感覺。因電他先天性係無音箱同用幼弦線,每粒音0既 action 及 sustain 都同木他好唔同,就算而家 d 結他音效同 synthesizer 幾咁先進都只係扮到六、七成。
木結他,一般可分為古典(尼龍線)結他及民歌(鋼線)結他兩種,係設計簡單原始發聲樂器,但結構就一 d 都唔簡單,可以話比電他更複雜,靚0既木他似藝術品多過似樂器。可彈0既音樂類型雖然唔及電他咁多,但有其獨特音色係電他玩唔到0既。單睇個名就知佢地係玩邊類型音樂為主,但唔代表淨係可以玩古典及民歌。現時有好多主流歌曲都有加插木結他彈奏,就算玩搖滾有時都會用木他做開頭同結尾。
其實電他同木他都係結他,屬演奏工具,無話可唔可以彈邊類型,總之0岩 feel 用得著就得啦,唔使咁介意。
有種音樂一定要提,就係於八十年代初興起,電他同木他合作得最淋漓盡致0既 Folk-Rock,集合兩者長處於一身,用0黎練下結他夾下 band 都好正0架!