沈迷Online Game

朋友, 我唔知你幾大, 不過有少少意見, 希望幫到你.

你依家情況同吸毒上癮差唔多, 要戒, 可以參考戒毒既方法.

第一, 最最最重要既係要遠離玩online game果班朋友. 你每次同佢地一齊, 佢地既影響力會令你既努力事倍工半. 就算你短期戒到, 你班朋友一撩你玩, 你就會心思思, 諗住玩一次半次就算, 結果又沉迷番. 所以, 你要搵過另一班唔玩online game既朋友, 並且要疏遠呢班. 遠離原本既環境, 你先有希望戒得到.

第二, 搵一個寧靜既環境, 坐低諗下係你生命中, 你仲有咩想做. 人一生, 可以有精力去完成一些目標既時間, 只有三,四十年. 學習一門技巧以至於熟練要十年, 使用此技巧來達到目標又可能要數以年計既時間. 所以, 人一生最多只可以有三四個目標. 除了打機, 你有咩想做? 當你有目標, 打機對你既吸引力自然會大減.

第三, 同你身邊既人講你以後要唔打機! 多些人聽到, 你對自己既承諾就越強. 可以幫助堅定你既意志. 股神巴菲特, 當年都係當眾企係張枱上面, 同所有周圍既人講, 終有一日, 佢要有錢過當時美國首富咯克非勒, 結果佢真係做到左!

第四, 定一個目標來奬勵自己. 例如連續一個月唔打機, 就奬自己一樣野. (好似買盒模型俾自己砌, 人人唔同, 你要自己諗) 用正面奬勵來加強你既意志力. (好似online game用每次破關後既滿足感來加強你繼續玩落去既心態一樣) 目標一開始唔好定太難, 奬勵一開始亦唔可以太堅. 好似打機咁, 越到後面, 目標要定高d, 奬勵亦要訂得大d. 等你既滿足感越來越高. 尤其係諗番轉頭, 發現自己真係可以一個月唔玩online game, 咁你對自己既自律性就會越來越有信心架啦!

其實可以話係冇
要戒掉係不可能你Delete左個Game佢你又玩番咁咪姐係冇用
但係你有心戒ge就算你d fd叫你玩你都唔會玩ga la
最緊要係你自己想點你唔玩咪唔玩lo你d fd叫你都唔好去玩
Delete個Game係一個好好ge做法但係要+多個自己ge想法
就係唔玩哈哈