經痛一問,我應怎樣做??? (請詳細+認真回答) +15

本人以前都有你的經驗, 會痛到又暈又嘔, 腰骨又痛. 原來自己有 '子宮內膜異位' 呢個病 (即係平常人說的朱古力瘤), 第一次發現時因為太大, 所以要排期切除; 好唔好彩, 兩年後, 個病復發, 今次仲要係我唔知的情況下, 個瘤突然爆左, 令到我肚痛到不得了, 一照超音波先知道.

所以我建議你都係去睇下專業嘅婦科醫生, 睇下有冇事. 因為成日食止痛藥唔係一個好辦法.

而依家我每月都會有唔舒服, 但係就少咗痛啦. 熱水袋係一個好好的止痛方法. 如果要返學時, 我建議你可以貼市面上一隻叫 '月舒適' 嘅經痛貼, 幾好用. 最痛果兩日可以貼係前面內褲外, 熱力可以維持十二個小時. 萬寧, watson 都有得買.

仲有如你知道自己經期就到時 (一星期前), 避免食 d 涼嘅食物, 例如西瓜, 綠豆沙, 豆漿, 雪糕等等. 咁就會令身體血液循環好 d. 仲有係中醫嘅角度, 經痛係因為 '子宮寒冷' 所造成, 所以貼熱嘅嘢就最好.

依家我睇中醫調理身體.

試吓來經個日,用寶礦力加水,要唔凍架,聽人講會止痛架.

食止痛藥最好醫院俾個d,止痛快d架.

飲八珍湯真係可以止痛架,不過嚟經期會好多je.
經期乾淨了3-4日到就要飲2-3包,補番失去左既血.