成日都唔開心,又冇人幫到我...

聽完你咁講...身同感受
我依家都處理緊好似你呢d問題
放開dd
唔好想太多
順其自然
努力讀書
到時咩都有返哂

你好﹗首先我好羨慕你，因為呢度有好多人留言俾你，
關心你﹗所以不要說無人關心你﹗

既然你知道自己係悲觀，成日都唔開心是唔好，
咁你就要改下，
點改？首先要改改你的價值觀，
呢個世界無人奉旨一定要關心你，
老師的職素是係收錢而教書，唔係關心，
而且老師有咁多學生，佢個個都關心晒，
佢咪好唔得閒，你知唔知老師忙得連訓覺都無乜時間？
學會體會人感受﹗
但你真的很需要人關心？
要人關心你，首先，你要學懂關心人先﹗
你喜歡這老師，那你就關心下佢，
你做一份功課，老師做(改)40份，你看幾辛苦，

你唔開心，想搵人傾，你可搵你的朋友，
再唔係搵網友，呢度都大把人聽你講野﹗
開心，係自己爭取，你永遠睇晒d唔開心既野，
你個人又點會開心呀﹗
想人記得你生日，那你先記得人生日先，
唔好永遠要求人先？do it for yourself first，
你關心人，人地係留意到﹗

爸媽吵架，要你受晒﹗
大人既事，佢地自己識處理，
唔需要你過份操心，
你要既係，好好愛惜自己，
學會成長，
佢生性，佢地煩少一樣野，已幫到佢地好多﹗

希望這些說話無令你唔開心，
如果你覺得我講錯，forget it，
好好反思﹗

希望你早日能找緊快樂﹗

1、千奇唔好同老師講，千奇唔好同任何長輩講。試想象，你上一次聼到前輩讚後輩是何時？觀察到前輩真正用個心去關心後輩是何時？最後只會更失望。

2、我試過同父母，老師，校長，神父，駐校社工，福利処社工，警察，醫生，議員[講過話]，全部廢之餘，其中仲會有人偷笑我幼稚，無聊之類。那是因爲，人在社會長久了會變得無情。所以，長輩已經無左個心。

3、靠自己，只有自己最知道自己想要什麽。出世到去世，開此到結束都是只有自己，沒辦法。

4、找個朋友吧，看開一點，不會只是你一個孤獨的。

你好,我以前好自卑,人哋隨隨便便一句話都會令到自己好唔開心,我好介意人哋點睇我,我一直以為自己好叻,我唔想俾人知我心裡面諗緊乜野,因為我覺得根本冇人會明,所以我諗辦法令自好忙,忙到一日廿四小時唔夠用,唔去諗D唔開心既野。後來我嘗試去了解自己,我先發現我根本唔了解自己,所以我唔開心。讀書再叻都係冇用,做人一定要識得點去同人溝通!!!

你要記住,一個人先要了解自己,如果你覺得有乜問題 A) 你可从嘗試去改,冇朋友,嘗試去識多D朋友 B) 改唔到D嘢你只可从接受 C)... SORRY, 係無Ｃ既 。希望你記住, 你一定要先接受自己,你先會有真真正正既自信,一個有自信既人,唔一定會開心D, 但冇自信既人,就一定會唔開心。你爸爸同媽媽都好可悲!因為佢地都唔識得點去愛一個人,所从你唔可从希望佢地去關心同愛你! 愛 / 友誼 / 關心都必須自己去搜尋同發現!

我唔係想同你講乜野人生道理,而係想話比你知我自己既經歴。我用左我人生既1分鐘去回答你呢個問題,而呢個係我用左30年揾番嚟既答案,我好想幫你,因為我唔好想你好似我咁,大個咗先去後悔點解我個日唔去改,世上係冇不努而獲既,我亦唔知道你究竟揾緊一個乜野回答,但係我好肯定你問題係唔會自己解決!

R胳拉底

2008-08-25 05:52:16 補充：
到左今日我先終於明白原來好多人自卑既人都唔識點去( 愛/關心) 自己,因為佢地邊身既人都唔識得點去(愛/關心)佢地! (愛/關心)需要互動(而唔係交易!!!),而我相信愛應該係由關心別人去開始... Hello﹗你好朋友。好高興認識你!

唔好比週邊環境影響到自己,咁會好影響到以後人生觀念架,人要正氣,心無雜念,平常心咁先可以排除所有問題,{你記著將來好有用}

你個人生觀念都唔好何來有將來,將來係要積極面對每一件事,
人地生日都有好多人一齊去玩..但我呢...好寂寞不過你要知你向度比緊d乜羅 ?

人比人會比死人,如果你想同人比係想搵個動力同目標我會讚你,
但係你用週邊環境作比較,怨呢個怨果個會道致你將來去到一個不能自拔的處境,{相信我}

我人生觀係如果我無但係好想要我就努力去搵或者做好自己本份,重來唔怨點解我呀爸呀媽比唔到我或者同人地呀爸呀媽比,比左咁又點,咁咪唔現實羅,同個怨氣咪重大羅,好阻礙你將來睇同做每一件事客觀睇法,如果你怨氣咁重,簡單d你將來同你岩做朋友都係怨氣好重先做到朋友,因為要同聲同氣羅,咁你d朋友點提你將來事業,人生觀,家庭觀念再去到一個更好的層次呢,人會變亦會受到環境會變,我衷心希望你真係面對人生唔好睇得咁灰,唔好諗住無左小小野{生日蛋糕,派對,}就等於無左一切,將來環境好年年擺大壽都得啦,再唔係買隻狗番黎改埋個名叫壽星公年年幫埋佢擺埋大壽都重得呀,一年擺兩次人一次狗一次,發帖發到大家都驚,睇野睇遠小小,唔好睇眼前呢一步,

爸仲成日都講粗口..成日都話媽搵交嗌,{我呀呀爸呀媽嗌左都幾十年喇,有時嘈到我問佢兩個今鋪又嗌乜野呀,講黎聽下,有時我都會解釋件事有無必要咁執著嘈交,你亦都會向平常心令到你自己唔應該學佢地做法,往往有解決方法唔嘗試一定要人就左你先,咁就錯哂喇}

打過去關心一線,我覺得關心一線好廢,,人地講幾句,佢先答一句廢話,講得幾分鐘未講完就話byebye...=.='

唔好靠人,必須靠自己,自己想要乜自己最清楚,無人知你想點就算係情侶或另一伴都唔會佰份佰知,

好多時都要付出好大努力先得到回報,往往回報唔一定我到公平,起碼都有個回報先喇,呢個世界真係無幸運同不勞而獲,怨恨只有將自己推到一個萬劫不復的地方,

去 我 論 壇 玩 啦..1 定 唔 會 唔 開 心..
同 多 d 人 吹 下 水 係 1 件 好 好 GE 事 =]
::::全 方 位 論 壇::::
現 在 正 需 要 您 的 加 入 與 支 持 !
有 空 可 以 去 看 看 啊``
謝 謝.. ^ ^
http://allfong.marlito.com/index.php

小朋友,你首先要學會'自愛';不要為自己找籍口,常常要別人注意同關心;我真的為你感到很可悲!
你有無關心過父母,為何時常嗌交?有無積極地為自己的學業去打拼,要求自己進步;好讓將來的日子好過一點?
我都係過來人,我體會過你的曰子,意會到你現在的心情;相信我,你現在的日子,其實並不難過........
最重要是你用什麼心情,與情緒去面對它;'雨過會天晴',做人處世學會積極,日子裡的困難和挫折,對你根本算不上什麼!

我有個同學都同你一樣好悲觀好易唔開心..
我覺得你應該找人傾下..你冇你冇咩俾你傾訴o既朋友
咁你咪上網識下囉..(姐係D討論區呢)
你右見唔到佢個樣佢都見唔到你個樣..咁咪唔洗擔心囉!!

你話你個老師唔多關心你....可能係因為佢唔太了解你個問題
如果你真係想佢多D同你傾下.
.我覺得你應該多D講下你個問題比佢知
不過講真個句呀...佢只係個老師
我諗你學校應該都有社工...你應該找佢地傾會好D囉

你右話你父母成日嘈...其實都冇咩方法呀
一係你就直接同佢地講下你個感受..
分析個問題比佢地知..
我唔係咁知你父母嘈咩..所以我諗我唔係咁幫到你

個D關心一線真係廢GE..
可能個D人覺得你係玩電話..所以呢?
我都試過打去...不過係玩野GE..呵呵

如個你真係找唔到人同你傾計..
咁你可以找我..係MSN到傾下呀
我MSN係..: [email protected]

希望幫到你啦^.^