瑞士or奧地利邊個好d?

唔駛問梗係去瑞士啦！小弟雖然未去過奧國，但瑞士就玩左三日兩夜，發現嗰度既湖江山色實在一流，但我無聽過有人讚奧地利有幾靚。小弟唔敢保証瑞士一定靚過奧地利，我只想係度講啲我知道既野。

瑞士係一個有好多地方可以遊覽既國家，剩係去遊雪山已經令你樂而忘返。小弟係瑞士嗰兩日住係往少女峰(Jungfraujoch)頂途中既山腰小鎮Wengen，嗰度唔單止靚、寧靜，而且望住少女峰個景一流，而上峰頂亦好方便，最正既就係嗰度連星空都零舍靚過人。去完少女峰，如果樓主好似小弟咁唔怕辛苦，可以去埋馬特洪(Matterhorn)峰，嗰度一樣有好壯觀既雪山同冰川睇。另外，遊湖亦係瑞士重點節目，我係Interlaken遊湖遊左三個鐘，個湖啲水係清澈既綠色，再配埋附近山邊小鎮風景實在係正到無人有。

奧地利有咩玩﹖據小弟所知唔多。首先樓主唔好對維也納有咩期待，我識啲人去過，佢地話嗰度完全無野睇，啲人態度又唔好，過下境就可以。奧地利比較有野睇既係薩爾斯堡(Salzburg)，去嗰度主要係睇電影《仙樂飄飄處處聞》(Sound of Music)嗰間古堡同埋附近既山景，聽講話都幾靚，但係就唔知值唔值特登去。另一個可以去下既城市係茵斯布魯克(Innsbruk)，呢個城市幾出名，可以既話應該要遊埋。

2008-08-21 19:55:33 補充：
樓下tak兄提到Lauterbrunnen，我想講多少少野。小弟係瑞士住既Wengen鎮其實就exactly係Lauterbrunnen上面，。兩個鎮之間有火車連接，車程大約半個鐘。其實行路都得，要一個鐘以上，不過其實應該係唔辛苦既，只係你用唔用得起咁多時間。我覺得如果純粹以遊覽角度黎講，Lauterbrunnen同Wengen都無咩睇，因為太細，但住就真係一流，以住係Lauterbrunnen方便啲，起碼搭少程車。另外，就係Lauterbrunnen火車站隔離有一間酒吧，嗰度既pizza賣13瑞郎，唔算貴，但就極好食同極頂肚，做晚餐實在一流。

其實兩處地方都有幾大的分別，好視乎你鍾意睇咩野！
瑞士：
正如之前朋友所講，風影極為優美，感覺輕鬆舒服，如果你喜歡湖光山色，瑞士係一個好理想的地點！推薦城市包括琉森(Luzern)，勞特布魯嫩(Lauterbrunnen)同因特拉肯(Interlaken)
http://www.myswitzerland.com.hk/tourism/city/city.asp?city=Interlaken
奧地利：
是一個充滿藝術的地方，建築很有歐洲色彩（同德國，意大利好唔同），亦是莫札特(Mozart)的出生地，所以你可看到滿街都是莫札特頭像的產品，而隨處都可以看到很多街頭表演！感覺較為熱鬧和有生氣！推薦城市包括音樂之都維也納(Vienna)，薩爾斯堡(Salzburg)
http://travel.mook.com.tw/globalinfo/country.php?gid=16