與男友一起費用

其實莫講男女朋友,甚至係夫妻,都應經濟獨立,男方女方都唔應該倚賴對方,除非對方好富有而唔在乎,但若果大家都係差唔多,你好應該都要付返一部份,又唔駛次次計,久不久你出下錢,例如食完飯,你可以講哩餐你請,佢個心都會舒服d啦,如果你哋有一齊儲錢o既仲好,要用o既就用儲備,冇得坳,其實大部份男仔都鍾意做付賬果個,因為可以表現出自己o既風度,但你男友出到聲叫你出返一份,你也應該出返一份,咁樣大家先會維持到落去,免得因為錢而傷感情,其實你哋都應該計劃下你哋o既財政啦!

嗯~~睇左咁多回應，
大家都認為處理情侶之間o既錢銀問題，
真係一大課題。
而且仲係好尷尬的。

拍了好幾次拖，
或許因為對方的經濟情況、性格、stage都不同，
所以金錢處理都不同。

不過，
主要都係大家協議出來的。
男朋友都應有一個照顧女朋友的責任吧？
當然，作為女孩子，都要體諒男朋友的經濟情況啦~
我諗，如果妳愛佢，
都唔想佢因為同妳出街而節衣縮食o既~

至於去旅行夾返一份，
我本人認為無問題wor~
去旅行講緊幾千至幾萬蚊，
一個男仔又要儲錢買樓結婚、但係出街食飯去旅行又係佢俾，
除非佢真係賺好多啦~~~
否則都好辛苦架~ >_<

但係，如果妳有「男仔要俾晒」呢種觀念，
又或者妳覺得要「出錢」就有好唔舒服的感覺，
咁妳就要諗下：
1. 妳係咪好愛妳男朋友？
2. 佢係咪妳合適的對象？

因為拍拖時男仔對經濟上的承擔，
某程度上都顯示結婚後對家庭o既承擔和婚姻觀念。
拍拖都係為找結婚對象啫~
所以，唔係「錢」咁簡單啊~ ^.~

我就覺得一定要AA制la
講到錢就一定傷感情
同係自己比自己好d

我覺得拍拖AA制無咩問題呀,始終大家都只係情侶,就算他日做夫妻,家庭既分擔都要一齊經營啦.

其實拍拖邊個出錢有乜所謂
最緊要既係用個心來愛對方
唔可以用錢來衡量
邊個有錢咪邊個比囉!
你有多餘錢既咪你出囉!
而我出街既通常今次就我出錢
下次咪到佢囉
如去旅行既我出團費
其他費用咪佢出囉
記住!! 千萬唔好用錢來衡量

其實錢係拍拖時是好重要的話題
香港人多數都認為AA是不錯的做法
的確對一D只係嘗試的感情AA是好好的做法
如果大家是有計畫為了將來例如:結婚去旅行買D什麼
我想大家可以用處錢這方法
大家一起處錢最後用處到的錢來結婚去旅行買東西呀
這唔係重好嗎
不過當然要先認定對方才這樣做
唔係比人"片"錢就唔好啦!

與男友一起費用
,不如睇奧運

我同男友平時去街既時候多數都係AA制既
不過佢有時見好貴呀~特別日子或者我有時無咩錢
佢都會好主動會請我
不過我都覺得錢銀好容易會傷感情
多數我都會自己俾番自己果份
或者佢會請我食貴野(如食飯)
我就會請佢食平野(如買野飲，食小食)
去旅行既時候就會自己俾機票同酒店
同俾左一部分既錢佢做公數
不過男友都好好，洗多左佢都會請我~~
始終佢搵得多過我~~呵~~