配眼鏡鏡片!!請進~

我去過眼鏡88 同 名店配
但講配鏡最準係 溥儀眼鏡 (根據消委會既調查)
溥儀眼鏡中環 銅鑼灣都有舖頭
但係就比較貴
宜家D人通常都係配 不反光鑯維鏡
因為鑯維鏡比玻璃鏡輕同安全
不反光唔係清D 係係佢面頭有一層野 令D人係外面睇你副鏡唔會反光
你係入面睇係冇咩分別
唔同鏡都唔同價錢 有平有貴 分唔同級數
你配個陣可以問下D人
另外不反光鏡面頭層野係好薄 根本上10分1 MM都冇 所以冇咩影響

近視深既鏡係會厚D 就算係超薄鏡都係
一定係近視深個邊會厚D
其實人地就咁睇落係冇咩分別

而RYABAN我睇過眼鏡88 同 名店都冇近視框
人地話亮視點有 但我就冇睇過
你可以去頂好眼鏡睇下 係旺角 你可以上網搵下 好易搵到個地址
你可以上網搵下呢副眼鏡個CODE
去到如果冇 佢可以幫你訂 但一定要有個CODE先得

如果你係D大型眼鏡連鎖店配 買某D框 多數有得送鏡

2008-09-02 18:33:14 補充：
我係叫發問者去頂好搵框 但係冇話一定要係佢度配wo
同埋 我個fd都係個度配左 冇咩問題

千奇唔好貪平,幫襯旺角豉油街間"頂好眼鏡",其實都唔係好平,本人配左副$350粗框眼鏡,質素奇差,其實我都明白比得$350,唔通比副名牌你咩,但係你無理由一副眼鏡會有一邊閂唔埋(即晚攞到番屋企未帶已經閂唔到),放唔番落個眼鏡盒到卦。第二日仲要特豋攞出去整,上晏整完,下晏已經唔掂,都係閂唔埋,又要再攞過出去,仲要眼鏡框內既字係腿色,擺明唔係新嫁啦,我配之前已經問清楚佢,佢話唔會比副display我!
我話無理由要我帶個螺絲批出街呀,一閂唔埋就自己較鬆佢呀,跟住佢為左打發我(因為當時好多客),叫我6日後去攞!
前幾日去攞,又有問題,右邊眼鏡框脹起,前前後後出左去4次都仲未整好,車錢都蝕埋,花我時間,而且服務態度勁差,又唔肯退錢,仲覺得自己服務好好,肯幫我整,其實佢地既product係under standard,佢次次都有唔同既問題,來來回回咁多次,簡直係花我時間,連老闆娘都係hea人,以後都唔會幫襯呢間死人野!
我仲好質疑佢地配眼鏡度數既準確性,之前朋友同我一齊配,佢帶左兩星期都仲頭暈,果日我朋友都有同我一齊去,諗住叫佢check下係咪有問題,佢仲叫我個朋友帶多個星期先,又呢又路,擺明唔想幫佢配過啦,格硬要自己隻眼去適應付副眼鏡,仲要"懶"好同我個朋友講,就算過左一個月搵番佢都會照同佢換(因一個月內至有得換),轉個頭又話費事應承我地太多野,都係一個月內番黎換。吓....果頭講完就即刻唔認數,咁即係得番一星期試,因為由攞左眼鏡之後開始計一個月,簡直換黎一肚氣,幾百蚊唔係錢呀,你地千其唔好幫襯佢"頂好",一D都唔好!
我之後攞左我副眼鏡去第二間眼鏡鋪度check,原來頂好配副唔係我既度數比我,我省光原本係得25度,佢竟然夠膽死配75度比我,近視我得150度,佢地幫我配175度比我羅,唔怪得之我帶到又頭痛又頭暈啦,好唔舒服,仲想嘔添,頂好一D都唔專業,配D咁既垃圾眼鏡比人,會帶壞人雙眼,一D良心都無,服務態度又差。將心比己,如果其他人配左D咁既垃圾眼鏡比佢自己or佢D屋企人,咁佢地又會點呢?旺角"頂好"簡直係黑店,奸商!
打去問下呢間啦,旺角視力無限,Tel:26260507!