緊急求救!請內進

個頭咬爛左就冇得救了.

爛尾有２個可能性:
爛尾病:首先係會d魚尾慢慢爛,跟住會條尾會晒......跟住連個魚鰓都爛埋,跟住缺氧,死亡...!!

治療方法:如果係爛尾就咁用藥好得好慢，最快係用藥之餘，將魚撈出放o係濕棉花上包住，再剪走爛o既部份。

咬尾:但係你條魚尾都可能被其它魚咬....魚尾被咬同爛尾好唔同。被咬可能係成忽冇左或魚尾有裂口，爛尾係o係缺口邊緣有一條灰白色o既邊，分別好明顯。

治療方法:分缸,要分開果d打交的條魚.

唔講道理住，先講點做：
１．分開兩條魚，你做o岩左
２．受傷o既魚，尾咬爛左的話冇問題，如果你有養過其他魚（如鉛筆、鬥魚）就知，咬左條尾一忽，只要佢有時間就會生返出o黎，因為呢ｄ軟骨同皮膚組織都生得幾快，正如樓上 rainbow 所講－－但留意，佢講「將魚撈出放o係濕棉花上包住，再剪走爛o既部份」呢個做法，係我成日o係呢度推廣o既爛尾病o既手術治療。爛尾病係本來透明o既魚尾／鰭，起左一條灰白色o既邊，呢ｄ係病變組織。
而你o既情況，如果係被魚咬，應該會見到尾骨之間皮膚裂開，條尾好似開叉咁，或者係好似被咬左一個圓型缺口。兩個特徵都講左你聽，呢樣你要自己判斷清楚啦。
至於爛頭，就真係唔知爛成點：所謂「連個頭都比d大魚咬左一啖」，如果連頭骨都爛左，就冇得救啦；如果只係刮損，只要俾時間佢休養就ｏｋ。
同咬爛尾／鰭一樣，分缸後可以加少少鹽（一公升水加三克好啦），或者鉀基藍，都係為穩陣，避免傷口感染。
＝　＝　＝　＝　＝　＝　＝　＝　＝　＝　＝
到講道理時間。
圖片參考：http://tw.yimg.com/i/tw/ugc/rte/smiley_22.gif

任何動物無分品種，只要同埋一個地方生活，都會排權力次序。即使係群居魚如新燈，都會有得分，而主要分別當然係體型，而雄性魚爭交配權自然會打多ｄ，當中亦涉及爭地盤。地域性強ｄo既魚如鯛，情況就更明顯。
一般動物呢ｄ爭執，唔會要敗者條命，開始時大家都係裝腔作勢，張大魚鰭魚尾，令自己身型大ｄ，展示顏色，咁就往往可以嚇走弱者；唔得時會用尾拍大，用嘴啄幾下，好少好似泰國鬥魚咁打到至死方休。但亦有好多如小王子、藍斑馬等鯛魚（唔知你係唔係就係呢種？），地域性極強，同缸ｄ魚細ｄ弱ｄ都頂唔住。呢兩種係新手o係魚街最常遇到o既陷阱。
所以買魚前一定要做下 research，知道下ｄ魚o既習性，以免買左先後悔。唔好信魚販，我都親耳聽過有魚販話「小王子好馴唔打架」。
家陣唔買都買左，同缸再養就冇得諗架啦，夾硬要的話，加ｄ木、石其至洞穴等裝飾，俾弱勢o個條避下，但缸細的話，點避都冇用。你可以買多個膠缸仔，氣泵分叉同一截喉，加個「水妖」（氣動式過濾器），就可以安置條細魚。

基本動物係好講地盤,咁高咁大又唔你群體可能會打交,但係大魚食細魚就係大自然弱肉強食裹的理論,你先分開條大魚先,然後比條細魚慢慢生番d魚尾出黎,不過留意下條魚如果個頭損左一段時間都唔好就要落藥喇,下次你落條新魚睇下個魚缸d魚有無反應如果你見d魚你眼望我眼就基本因為地盤問題開始想打交喇,佢地好直接架,或者分開左你一邊我一邊,要留意喇,