預科bio group，讀as phy，al chem & bio，但係我中六既成績好差，中英文都係僅僅合格，chem得廿幾分，bio仲得十幾分，我成個bio group既同學都係咁樣，佢地成績比較好果幾個（bio group內既）chem都三十幾四十分，bio就廿幾三十幾分，我係最唔掂果個，我學校係全港黎講都係d”咋”野，只係未算最貼地個d
但係我呢暑假溫得好慢，中六既chem同bio各一半都冇，phy已經drop咗唔洗理，真係好灰～
我咁既成績我覺得入high dip都好炆，我想問：
1.poly degree/high dip nursing收咩grade（中化，ue，al chem & bio)
2.如果我入唔到poly degree/high dip nursing，我可能要讀其他院校既副學士/high dip，咁有咩選擇呢～
3.我知道有醫院有登記護士訓練，如果我入唔到poly，讀其他院校既副學士/high dip定係登記護士好？同埋登記護士既課程同要求係點架，我好似聽到佢會一面考試，一面實習，如果肥佬就要out，係咪真架？
4.我知謢士既工作係厭惡性既，又大壓力，到底做護士係點辛苦法？
我有好多關於讀nursing同做護士既問題，識得既話求你盡量講俾我知，唔需要答哂我咁多問題，very thx~god bless u~
更新1:
mingcim2004: 多謝你肯花咁多時間解答我咁多問題 其實我已經去過poly同jupas個網睇過,但係只有個總分,冇講每科既grade係幾多,睇返你師姐既例子其實佢地都有某d科好突出,有c以上,但係好遺憾既係我冇乜科目好突出,我ce chem都係攞c,bio係d,a level好大可能只係一e同埋一f,ue又好大機會f,中化既表現好飄忽 另外有咩方法可以操好ue,特別係section a,都唔知係邊度可以搵到practice 都係果句,多謝你,我都祝你前程似錦