為何LCD電視畫面要扁些？

畫面扁咗係因為用咗不正確的模式播放.現今主流的視像訊號有兩種,4:3或者16:9.LCD電視的畫面比例是16:9,播放翻16:9訊號的話係唔會有物件被壓扁的問題的,即使填滿整個畫面,圓形依然係圓形,唔會變咗鵝蛋形.數碼廣播,DVD,藍光碟等大部份都係16:9訊號,這是為甚麼廠商都不太會再推出4:3LCD電視的原因.
但係仲有啲訊號係好多人睇緊而且係4:3的,例如模擬電視廣播或者VCD就係.呢類4:3訊號放在16:9的電視播放,又要填滿畫面,又要唔變形係冇可能的,呢個係幾何問題,同科技進不進步無關.
一啲同時有收錄4:3及16:9訊號的媒體例如DVD或者藍光碟可以俾你設定要輸出的電視機比例.揀啱咗就唔會有變形問題.
但係一啲真真正正的4:3訊號硬要在16:9電視播放就要選擇點處理個畫面,一般人喜歡填滿整個畫面,唯有將畫面壓扁,但其實電視係可以俾你選擇4:3模式而令物件不變形的,不過缺點就係會出現左右黑邊.
某啲電視有一個拉長模式.佢會保持畫面較中央位置不變形,而比較大幅度拉長邊位.由於睇電視多數睇中間,所以錯覺上係又冇變形又填滿晒畫面.
仲有一種剪裁方式,簡單啲講就係放大4:3畫面至左右沒有黑邊而裁走畫面上下部份,但係就會睇小咗畫面.