副局長同政助理任命引起不滿O既原因

一樓都講中幾個o既：
１．入職薪酬「過高」，原因係無基準比較，唔知實質做ｄ乜，無得比較。
２．薪酬不公開，但係司長局長就連人工個零頭都知道。如果如煲呔話，公開左會引起比較同管理困難，咁政府後來公開o個個薪酬範圍咪一樣引起比較？而且仲任人估係上限定下限，完全自打嘴巴。
３．招聘程序有問題，一句用人唯才就推哂ｄ責任。美其名為培養政治人才，咁做乜搵個五十幾歲o既退休人士做？
４．唔公開不特止，仲唔知係邊個提名，其中一定有份提名o既特首辦主任陳德霖又唔避嫌，參加選人情序，令佢組政治馬房o既嫌疑更大。
５．定左人選後只發公布，唔俾呢ｄ候任政府新貴見傳媒，唔知係劉細良／何安達懵左，定係驚國籍問題太早爆。
６．基本法訂明局長不能有雙重國籍，以免有雙重效忠問題。咁副局長o係局長缺勤時，要代行其權力，係咪應該一樣要有同樣規定？基本法冇講明，梗係啦，寫基本法時都冇副局長，點會講明！
７．明知局長有呢個規定，仲要用法律角度去強辯，呢個係政治忠誠問題呀！知而唔做野係傻同無政治敏感度，或者以為政府一門口就搞得掂，真係「強勢領導」，但爆左都唔認，係冇政治智慧。唔問你就唔答，問一句就答少少，只會引起輿論更廣泛興趣，結果造成一場公關災難。
８．穿左煲後政府要政治新貴封口，之後又話係私人問題，要佢地自行決定，由得佢地去死，呢ｄ老細開始時又唔講明有規定，出事又唔睇住你，真係死得。

2008-08-21 03:18:14 補充：
其他缺點：o係政治上，將建制派o既人引入政府，令現時已經失衡o既政治生態再搞差ｄ，引發更多不滿。而呢個做法亦令政治資源（如上繳俾黨o既財政資源，政府消息）更多落入建制派，不利於有效監督政府o既政黨政治。就以梁展文事件為例，民建聯、葉劉淑儀都仲可以有人話唔駛徹查，可知建制派對監督政府有幾有力－－不管選舉前佢地點宣傳。

另一點係，今次搵人做新貴，繼局長後又一次冇公務員份。雖然佢地都未必願意脫離公務員體制，擔任政治任命職位，但連參力都無份，一定會加深公務員系統同政治任命官員o既矛盾。

副局長同政助理任命引起不滿O既原因
是他們不是民心所向, 不應該花錢去肥上,
最重要是組成一個不受香港市民歡迎的高層擴大自身利益的團隊.
達到自身的政治目的.

副局長同政助理任命引起不滿嘅原因:
唔知點解用年薪共數仟萬請佢地番來做乜 ? 他們全部都是用人唯親, 秘密地用高薪挖角聘請回來的自己友, 其實就是公器私用, 替特首鞏固勢力及清理日常工作, 自己就可以有大把時間週圍去大陸旅行公幹, 做離岸特首, 過著半退休生活.把香港人命運交托給天主, 以為可以每天到教堂望住泥剎就可以解决全部問題. 過屬靈生活, 視民望如浮雲. 享受年薪四佰多萬,真係快活過神仙. 再遲些請多過 副特首 鎮守特首辦就 perfect 喇 ? 到時 曾特首 可以四圍去長註中國都得喇 !!
圖片參考：http://tw.yimg.com/i/tw/ugc/rte/smiley_18.gif

副局長同政助理任命引起不滿O既原因:
1. 薪酬超高,一個新任的政治助理月薪十三萬,
比出面一般公司的助理經理薪酬月入一萬,多出13倍.
2. 入職甄選透明度不高,令人覺得是偏幫自己友黑箱作業.
3. 職位沒公開招聘,使合資格做副局長和政治助理的人失去機會.
4. 任命該職位的用途、工作、職權範圍不清,
如果請他們只是做做文書等辦公室助理工作,
這如同浪費公帑,大才小用.