讀書好?做野好?

而家d學生真係好奇怪!!
讀書時又唔比心機, 成日話要盡快出來做野搵錢
當出來做野啦, 又話要搵夜校出錢讀書,
係唔係衰呀!

其實我作為一個出來做野10幾年人來講
有得繼續讀書的話, 當然繼續讀書好啦,
起碼仲有好多朋友,
校園既生活一定係最開心架啦

當你出來做野搵錢, 你就開始少左好多朋友
只有多了同事, 到時你只會懷念過去開心既日子,
你知唔知出來做野係好大壓力,
而家搵食最 basic 要英文及普通話都要得
你會試得 0 分, 唔洗講啦, 最後又係要出錢再讀夜校
係唔係??? 除非你甘心願意搵 $5-6 K 人工, 我無野好講

希望我係呢度可以提醒你!
當有機會再讀書就比心機繼續讀落去啦!!!!
讀書日子只會短暫, 但做野時間差唔多係一世架啦

我覺得你做野好d,因為你根本個心唔係讀書到,我諗你自己都唔想讀書!會考0分,十個有九個都係無心向學,掛住玩...就算比你重讀到,結果都唔會好得去邊,浪費一年時間,不如係一年搵多D錢仲好!

有D野係要自己抉擇嫁!

你都係出來做野好d

既然你都自己都知自己係無心讀書既, 咁你就唔好再waste你家人錢啦~~~!

出來打工, 累積多d工作經驗同金錢, 等你儲夠錢, 再找下一些短期課程為自己增值下, 咁會對你有幫助架

你應該重讀
因為讀書可以識多d野
咁樣~~會有好多人請你做野
而且做野既地方會好舒服
也會人工高
咁就可以幫屋企人負擔財政問題啦

我覺得應該去搵d傳科讀去進修, 個人同有幾個friend都認為form5,再讀上去只不過繼續讀學力會高d,但係香港d公司其實好睇工作經驗同有無讀過關於類似行業既課程.根本好少會睇你會考攞幾多分,讀書同做唔做到野根本又係兩回事. 其實你可以讀吓ivy果d都幾好架,有d讀完出黎仲可以馬上有薪實習添...