✔ 最佳答案
1) 人類的細胞有很多,而每個細胞都有染色體,但是為什麼我們只有23對染色體??那染色體是否只藏在身體某個部位?(如骨髓)
每個細胞有23對. 即係兩個細胞就會有兩套23對染色體, 3個細胞有3套...每一套都完全一樣. 咁人體有成千上萬既細胞, 就有成千上萬套一模一樣, 每套有23對既染色體.
每個細胞既染色體位於細胞核內.
2)有絲細胞分裂完成後細胞核內的染色體是否一對對??還是他們是染色單體??
23對裡面, 有22對係可以完全配成對, 一對裡面一條係父親遺傳, 一條係母親遺傳. 第23對係性染色體, 女仔呢就係一對x染色體[一條x係父親遺傳, 一條x係母親遺傳] 男仔呢係一條x一條y染色體, 都可以配成對[y個條係父親遺傳, x個條係母親遺傳].
3)夠竟一個細胞有多少條DNA和有多少個染色體??
一個細胞有23對即是46條染色體. 每條染色體係由一個長長既DNA分子卷埋卷埋而成. 卷既時候會加入一粒粒既組織蛋白分子[histone], 好似紙鳶線卷住個軸心咁.
所以, 1 條染色體=1條DNA 加好多粒組織蛋白
是否每個細胞的染色體數目也不一樣??
絕大部分人體細胞係46條染色體.
例外既係:
1/ 精子和卵子, 只有半套, 即係23條全部配不成對既染色體.
2/ 紅血球: 沒有細胞核, 即沒有染色體
3/ 肌肉細胞是多過一個細胞核[multinuclear] 每個細胞核有一套dna, 就每個細胞多於一套染色體囉.
精子和卵子細胞的染色體數目是否和普通細胞的染色體數目不一樣??
對. 精子和卵子只會保留半套, 即係23條全部配不成對既染色體.
所以, 當精子和卵子既染色體結合, 就剛好得出23對配得成對既染色體, 每對一裡面一條係父親遺傳, 一條係母親遺傳. 啱啱好囉!