鼠鼠近日的體重忽然愈來愈輕

第一位網友講既唔係咁同意,希望網友唔好介意及可以留意一下:
1)牛奶唔可以俾鼠鼠飲,好易會令鼠鼠肚瀉,就算係生完bb既鼠鼠,都只可以飲奶粉沖既奶,而平日正常既鼠,就唔洗俾奶,俾過奶好易會唔鍾意飲水
2)唔建議自行胡亂俾營養水俾鼠鼠飲,服用過多維他命係會對身體有害,其實而家既鼠糧已經有豐富既營養,除非你好了解鼠鼠缺乏邊d,如果唔係其實冇必要去添加額外既,亦有網友既鼠試過分開籠既幾隻鼠,同一時間飲營養水後出現流鼻血既現象
3)乳酪糖雖然鼠店推銷係可以醫感冒之類既疾病,但其實乳酪糖係好甜好肥既零食,雖然鼠鼠輕左好多,但我覺得都係較冇益既食物
4)水果易令鼠鼠有肚瀉既問題,詳細唔建議俾鼠鼠食蔬果既原因可參考以下我回答既知識:
http://hk.knowledge.yahoo.com/question?qid=7008022103115

我覺得有以下既事需要留意:
A.環境問題
鼠鼠轉換新環境,好多時都要時間去習慣,唔習慣就易出現唔飲唔食既問題,所以轉換環境之後,一定要多加留意鼠鼠既身體及排泄物,俾多時間去靜下,同時要留意會唔會有第d野令鼠鼠受驚

而家係咪即係一籠一鼠?鼠籠有冇放得好接近?其實你點去分鼠鼠打交只係想玩呢?

好多時見到鼠鼠打交,冇受傷就會令人覺得係玩,但我就唔係咁覺得,因為睇返鼠鼠係獨居動物既天性,根本就唔習慣去同第隻一齊生活,就算冇打傷打死,都好易因而感到壓力而誘發疾病
而家分左籠就好了,希望你可考慮永久分籠同一籠一鼠,詳細建議一籠一鼠既原因可參考以下我回答既知識:
http://hk.knowledge.yahoo.com/question?qid=7008072500907

鼠鼠一齊住or籠太接近,就較易有壓力,從而唔係點食野,之前年輕可能未有呢個情況,但而家一歲多,開始年老,身體亦開始弱,弱就會更受唔住壓力,所以要留意返分籠及將籠放開d

B.天氣問題
鼠鼠好怕熱,而家天氣熱,鼠鼠就會訓多左,又易冇胃口,留意返要幫鼠鼠消暑
熱天要留意既事可參考:
http://hk.knowledge.yahoo.com/question?qid=7008041000759

C.健康問題
鼠鼠突然瘦晒,都擔心會唔會有咩唔舒服,如果鼠鼠冇咩力既話,最好可以睇下醫生,怕鼠鼠有咩唔舒服唔知
睇醫生既話可考慮以下資料:
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030 地址:大圍積信街75號地下
http://www.taiwaiexotic.com/

平d可以睇愛護動物協會,但做手術既話,都可能會叫你睇大圍,因為設備不足
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

唔會去睇又或未咁快去到既,可以做以下既野先:
1)有第隻鼠既話要分籠,唔係會傳染(鼠鼠本身係獨居動物,冇事都係分籠會對鼠鼠好d)
2)保持周圍既環境衛生
3)唔好俾風直接吹到鼠鼠,要鼠鼠保持溫暖,但又唔好太熱
4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既
6)將籠與籠之間放遠d,除檢查外唔好打擾鼠鼠住
7)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)
7)鼠鼠太熱都會活動少左,食少左,

D.年老問題
鼠鼠過左一歲就開始老,照顧年老鼠要注意既事,可參考以下我回答既知識:
http://hk.knowledge.yahoo.com/question?qid=7008040603097

2008-08-21 06:53:59 補充：
即係而家一齊住既2隻鼠鼠都出現問題,可能係一齊生活感到壓力而唔舒服,最好可以將佢地分籠再多d檢查身體及排泄物,及留意返之前講既問題

鼠鼠打交就算冇叫,都唔代表係玩既,打到傷晒都未必會聽到聲,始終鼠既叫聲同人既耳可聽到既音頻唔同,叫到聽到就可能係好嚴重既問題呢

maybe they are sick.

可能係分開牠們養,使佢地沒胃口呢!!

養埋會好D~

我有養1-2年鼠鼠呀~

有咩問題可以問我~

佢地可能係營養不良,喂佢地飲D營養水同食D乳酪糖,種有要喂佢地食D水果(例:蘋果)同飲D牛奶,如果唔得,就要去看獸醫

營養水同乳酪糖可以係寵物店買到

養鼠鼠3年經驗,唔明可以電郵給我:[email protected]