✔ 最佳答案
1.我想問下戴con要買d咩?我淨係得con盒.
夾仔、藥水(全功能型,可除旦白,因為你果隻係全年型con) (如果唔係全功能型,就要有清洁藥水、鹽水,同除旦白藥)初帶可能有個鼓油碟仔好d,方便沖洗con時載住d唔要的藥水,避免沖洗con時跌左隻con入洗手盤。
2.點戴con?
將con從con case取出,用藥水沖下佢,然後放係食指上面(要留意有無反轉,唔好有太多藥水係上面)、拉高上眼皮、唔好望住隻手指、cup隻con 上去隻眼的中間、向上望一望(有助con滑到適合的位置)、眨眼、隻con無跌出來就成功,跌出來就要洗下隻con再戴過。
3.點除con?
拉高上眼皮、望住鏡入面隻眼,用兩隻手指將con由兩邊推向中間,用手指夾隻con出來,然後清洗con
4.邊隻藥水好? 因為未試過所有的牌子,答唔到你,我自己試過幾隻牌子,感覺差不多。
除左眼鏡舖邊度有得買? Mannings, Watson's
5.仲有咩要注意?
個con case,都要注意清潔,用清水洗淨,自然風乾 (理論上, 3 個月要換con case)
副con耐無戴, 要換一換藥水,藥水要浸满個case
戴、除con前一定要洗乾淨隻手
除con後,要用藥水洗con(雖然d藥水話唔使捽,但係d視光師叫捽下佢穩陣d)你戴的係年con, 係麻煩d架拉。
戴con 前留意con有無花痕、con邊完唔完整。戴上去覺得唔舒服,要除低沖下隻con再戴過
第一次最好找個識戴con的朋友協助一下,如果眼細,要練習一輪先戴到。