巧cute的鼠鼠

我養緊一隻熊仔鼠,之前會一次養好幾隻(大個之後都係分籠),但覺得集中所有時間,心機,物資俾同一隻鼠會好d,養多1隻都易有偏心既情況
養左個多月其實都唔算好耐,特別係如果太急住同鼠鼠熟,就會比較難令鼠鼠同你熟,鼠鼠咁細隻,怕人係好正常既事,用心慢慢同鼠鼠熟,鼠鼠都會好乖,都會親近你既
平日我既鼠鼠一叫佢,就會行埋唻,有時佢訓緊唔叫佢,佢知我行近佢都會醒左搵我,所以俾多d耐性同時間吧

而家可以試下兩日唔好打擾佢,再試下以下方法同鼠鼠建立關係:
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先

同時可以留意返點令鼠鼠生活得舒服d,鼠鼠過得舒服都會易熟d:

1)多D檢查鼠鼠既身體同排泄物
留意多D鼠鼠既身體,鼠鼠一有D咩唔舒服就盡快處理,如果唔係,鼠鼠唔舒服都會好不安及辛苦

2)唔好一籠多鼠
鼠鼠係獨居動物,所以唔鍾意同第隻鼠一齊生活,當然第d動物都唔好啦

3)保持衛生
一星期洗一次籠,同鼠鼠一星期沖一次涼,熱天沖兩次,令鼠鼠同環境衛生D,鼠鼠住都住得舒服D,鼠鼠本身係好喜歡乾淨,見佢成日自己沖涼就知啦

4)鼠籠安全
留意多D鼠籠有冇咩野會整親鼠鼠,唔好用貓砂做墊材,因為太硬太大粒,會易令鼠鼠腳仔唔舒服甚至受傷
籠既地面同轉輪唔會係有隙,唔係好易卡到鼠鼠既腳

5)唔好對鼠鼠突然發出太大既聲音
好似吸塵咁,可以由距離鼠鼠較遠既地方開始吸,咁就冇咁大聲
叫鼠鼠就細聲D叫

6)唔好突然抱鼠鼠
特別係唔好從後忽然抱鼠鼠,咁會嚇親鼠鼠,以為有第D動物攻擊佢
抱鼠鼠最好先輕聲叫鼠鼠,之後先再抱,仲要同鼠鼠熟左先抱

7)唔好勉強鼠鼠
當你對鼠鼠做一樣野,而鼠鼠反應係唔喜歡or驚既話,就唔好再勉強鼠鼠

8)唔好攪鼠鼠既尾
鼠鼠多數都唔喜歡俾人攪條尾,咀同鼻都麻麻地

9)唔好用光照鼠鼠
鼠鼠習慣夜晚活動日頭訓覺,所以習慣左會怕光,如果用光直照鼠鼠既眼,會令鼠鼠驚
除非係照鼠鼠既身體唔會整到眼,好似皮膚有外傷想睇真d,咁既時候就冇問題

我養左1隻倉鼠1隻天竺鼠

鼠鼠當然唔會show人,佢地比較獨立,好奇心強,正常當然唔采你。佢未必係唔熟你,只係唔望你。

我養左3隻倉鼠,2隻熊仔鼠,4隻老鼠,2隻天竺鼠,1隻小雪貂。

除了天竺鼠和小雪貂外都完全唔理我,你隻鼠鼠如果是天竺鼠,雪貂,龍貓或大型鼠類的話就有少少問題,但佢可能只係較泠漠。