男朋友要去外國讀書 : (

我係異地戀,我明白妳果種憂慮
不過首先妳最需要明白既係妳同佢夠唔夠成熟去面對異地戀
同一般戀愛唔同既係,佢會將妳地既愛情價值觀考驗至極限
就算係大人亦都一樣多數會維持唔到
講得正確D,係需要真心愛情並雙方都識得成熟處理感情問題
如果係達唔到呢個水平既愛
就好難可以成功

如果妳同佢都係認真對待愛情
咁妳地一定會視異地戀為2個人既事
即係話妳地大家係一齊決定要分隔2地
一齊計劃之後大家點維持
一定會諗過如果有其他人追任何一方會點做
最重要係一齊計劃大家點先可以最終一齊生活
而0係未做到呢點之前妳地點樣盡量同大家見面
我想知,妳地有冇唔多唔小做到呢D??

如果係我既話,如無必要係絕對唔會要令大家長期分開
個男仔0係決定之前有冇認真同妳傾過
佢有冇考慮過妳既感受??
定係佢只係見到係人都去外國讀書就跟住去
妳要明白,愛情唔係一件工具
唔係一D妳可以今日要聽日就搵過第2樣既工具
如果個男仔係有心同妳一齊
咁佢就一定唔會咁易就自己走左去
而就算佢走就一定會有交帶有承諾
呢D都係異地戀為真正愛情所設下既考驗

異地戀,真正既愛情,係一門好高深既學問
除左我以上講果D
妳要明白有好多好多感受同憂慮係其他人唔會經歷
例如大家分隔好耐之後妳地可能反而變得冇野講
而再度分開之後可能會有好失落既感覺
平時妳對對方既感受可能不停於狂喜同極度唔開心2者之間
仲有好似話留低既一方同離開既一方會有好唔同既感受
又或者每一方個人經歷都會對異地戀有唔同既體會
總之好多好多野....
其實妳係應該去書局/圖書館/上網查下異地戀既資料

以上講既都係真正既異地戀,係成功既異地戀會遇到既
唔係妳平時0係學校會聽到果D『幸福幸福』,跟住分手果D
不過最重要妳要明白既係異地戀同所有其他戀愛模式一樣
都冇話D咩秘決就可以萬無一失
異地戀係最能夠驗證真愛
而真愛係講心,唔係靠幾句口花花呃女仔就有用
所以妳既問題其實只係在於2樣野
- 雙方都必定要係真心既愛情,互相付出,百份百認真
- 雙方都能夠以成熟既態度溝通/了解接納/解決任何問題
如果妳地雙方都萬無一失咁做到
妳地既愛情就必定會係『恆久而細水長流』
要對愛情有信心,就必需要明白同接納
要能夠坦承溝通,特別係大家已經相隔得咁遠

希望妳能夠作出最好既決定
愛情,真正既愛情,係十分難能可貴
其實愛情就好似萬有引力果D咁
有D人只會將佢適用於地球上(摸唔到大家就分手果D)
有D人會明白就算到左宇宙盡頭佢都會將大家個心捉緊永不分離
咁妳(同個男仔)係邊一類???

1年幾感情,話長唔長,話短唔短,每日一故事,400天的經歷,你有多大回憶?他要去外國讀書,充電是人生必要性,你對佢無信心定對係自己無信心,世事絕無永恆,万物人世何來天長地久,凡事向前看,若干年後,大家在不同環境努力讀書,完成學業,有照一日名利雙收,才是幸福、依然......！

其實你係對自己無信心．．．定係對你男朋友無信心？
其實如果你地２個都緊信對方．．．唔好做錯野～
得閒聯絡下，比對方知道自己有幾掛住對方．．．
＋油啦．．．
你都想佢學有所成咁返黎，搵ｏ的好ｏ的ｏ既工作．．．
比個好ｏ的ｏ既生活你．．．

你應該對自己的男友有信心 ,
和對自己有信心 ...
當你男友到外國留學 ,
多D寫信 ,
多D傾電話 , 同佢傾下近況...
表現出你好關心佢個樣...
佢覺得你關心'佢...
自然就會開心
覺得你好好'..
只要你對佢好...
佢都5會容易有第2個...
男人係覺得自己女友5夠關心自己..
先致會有第2個