我隻倉鼠唔見左呀!!!

隻隻鼠呢埋既地方唔同,我之前既鼠就試過呢去床邊既罅,都試過呢去廚房d邊位,都試過在我房門口等我.梳化下都有可能,總之在d幽暗位搵下,鼠鼠都係鍾意呢埋同鍾意暗既.我唔知你屋企係點,所以都好難話多數咩位置.而且小心有冇開過門or有咩位俾佢走到出街呀.出左去就搵唔返架啦.
鼠鼠走佬尋找法:
1)走失左你可以去屋企既角落度搵下先,鼠鼠多數呢埋去一d暗既角落,
2)留意屋企有冇d咩危險物品,好似殺蟲蟻既藥等等,要收起
3)仲要關好門,唔好俾鼠鼠走左出去.
4)試下用野食引佢出唻,叫佢名同埋用平日叫佢食野既方法叫佢,等佢知道有野食就出唻.都係唔得既話,可以放d野食出唻,引佢自己出現
5)找尋有冇鼠鼠走過既痕跡,便便or食物等
6)捉返佢既時候要小心,最好有d物品幫手而唔洗直接用手啦,因為佢走過,俾你發現之後情緒會比較緊張,可能會咬人,亦都比較難用手就咁捉到

如果搵返得既話,要好好留意以下幾點:
1)怕佢出去食左污糟野,所以呢幾日要特別留意下佢既身體及排泄物有冇異常,一發現有異常就要馬上處理
2)出面污糟都易令鼠鼠有皮膚病,同佢用沖涼粉整乾淨個身,密切留意有冇甩毛之類既問題,同埋要檢查下佢身體有冇受傷
3)鼠鼠識開門走一d都唔出奇,我以前有隻鼠,開到個瞭望台走佬添,個瞭望台連我都覺得好難開!所以閂好籠既門有時都未必有用,但當然都要閂好啦
4)你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁
5)都要留意返個籠仲有冇第d位可以走到,倉鼠係出名既逃走專家,一定要小心
6)放返佢入籠,放去佢平日訓覺既地方,唔好攪佢,唔好嘈佢住,等佢冷靜d先啦,唔好嚇親佢呀

2008-08-19 17:58:45 補充：
由於有3條一樣既問題,避免抄襲,所以重覆回答,希望發問者唔好介意

另唔建議用電筒去照鼠鼠鼠鼠係好怕光,而走佬之後都會較驚,再嚇鼠鼠,好易會更加唔出唻

show some food on the floor.

你試下o係D床下底等地方掉D紙巾,因為佢地好鐘意咬野,如果發現有被鼠鼠咬過,你可以o係附近你可以見到既地方放D佢鐘意食既食物,等佢自己出黎~

用餌引牠,搜尋你家中的黑暗角落,因鼠類很喜歡躲在哪里。例如：雪櫃

想問下你一齊養o左幾隻? 有可能被同類食o左......

首先,你冷靜d
隻倉鼠5見左幾耐呀?
我有兩個方法:
1.你可以用隻倉鼠中2的食物,放係地下近柜底
2.你可以用電筒照下柜底
因為倉鼠見光就會岀來