文科成績好,但對理科較感興趣,應如何選擇?(20點)

坦白講，如果到了高form你仲用死記硬背ge方法來溫習，我就真係替你擔心。其實不論文科定理科，用死記硬背ge方法來溫習係唔得架，你成績好只不過可能d考試題目問得比較直接，若然用另一個角度問你，你能夠擔保你而家ge溫書方法可以一樣攞高分嗎?

而且有時選科同入大學喺某程度上唔係睇你興趣。講真，有興趣但成績唔好，院校係唔會理會。因為收生係睇邊個學生成績好d，而唔係睇邊個學生個興趣大d。

個人認為你如果想輕鬆d，讀文科就好d，畢竟你文科成績較好，於公開試ge成績會較有保障(起碼唔會唔及格)，而且你可以慢慢培養對文科ge興趣。但如果你真係好想好想將來做醫生，我唔會阻止你讀理科，之不過你要非常非常努力，惡補你d理科科目，打好根基且成績要非常好先得。畢竟有好多人想讀醫，要讀得到並非一件容易ge事。

我assume 你係中三升中四啦
如果你中三既理科都讀唔掂, 我真係勸你揀文科啦
因為AL D理科真係好難好難, 同F.5 個GAP好大
如果你D理科成績KEEP住唔好, 只會慢慢減弱你對理科既興趣
理科真係唔係努力就可以讀得好既, 好多野都要理解, 唔明就係唔明...同埋好鬼多數要計.....

當然, 如果你真係好想做醫生, 咁你都可以搏下......睇下你寧願冒住入唔到大學既危險去完成自己理想, 定係入左大學先揀D比較理科既科目讀, 當然如果你揀後者就要放棄做醫生既理想架啦

再加上, 你理科成績唔好你學校都會俾你入理科?

我f.3個陣都好似你咁,最後我簡左理科,後悔到死
因為d野好難同埋你唔識,好有挫折感,所以讀自己讀得泥ge科最好
而且你上到去都未必仲係想做e生,有時自己ge興趣都要睇番自己ge能力.唔係1味興趣就得ga