我地搵不到院舍俾爸爸入住, 連社工也找不到, 所以醫生無奈下才俾爸爸繼續住, 我知道佢之後都無再來睇爸爸, 足足成個月都無理他, 有一次我地見爸爸痰多左好多, 而且又黃黃地, 擔心他再次肺炎, 所以才問護士, 護士冷冷的說會告知醫生知, 我地家人再三詢問後, 他們才說會拿痰去種菌化驗, 要十日左右先知結果, 那我地就一直等, 直至上星期一我知道化驗出了結果, 那天我探病後走去問護士, 護士走回答我地說：『化驗報告唔知去左邊, 但見醫生無開藥, 我估你爸爸無事』之後就走了~ 我地信以為真, 以為爸爸無事~
但過三日我地見爸爸情況差左, 我地又再問護士點解無菌都差左, 我問上次份化驗報告係唔係真的無細菌, 那護士就立即反問我們家屬有否偷偷地俾水佢飲, 令佢痰多左~我地立即無野好講~但都開始有小小懷疑.
之後過多幾天, 爸爸痰竟然帶了小小血絲, 我地好驚, 好擔心, 立即詢問一位護士, 問點解會咁樣, 佢唔係無病, 驗了無肺炎菌嗎?
我要求護士給我那份報告看, 那護士看完後立即來對我說：『明天叫醫生直接打俾我。』我立即再問那報告結果如何，那護士說：『是有細菌感染的。』我和家人聽後很震驚, 問護士為什麼十天前已經知道爸爸有細菌, 點解唔立即下藥, 現在已經痰中帶血了, 他們也不緊張, 護士都只說明天叫醫生打俾我傾~
點解會咁, 點解會咁, 我爸爸中了風身體只可以飲奶, 無什麼抵抗力可言, 如果有了肺炎不是應該盡快治療才好嗎, 何況種了菌知道是有受感染, 那為什麼不立即醫治他呢, 十日了, 如果唔係我地家人緊張, 常追問, 那他們不會理他有病, 想害死爸爸嗎, 入了醫院不是要醫好病人嗎, 為什麼為什麼, 大家請幫幫我, 我好擔心爸爸病唔知點算, 我怕那個醫生害死我爸爸, 請大家幫幫忙,因為再拖下去爸爸很難救回來的~謝謝~
以下是我想問大家的~ 真的好急
1. 有咩原因可以令醫生知道病人受感染, 但都決定不給藥醫呢~
2. 我地可以告那醫生害我爸爸嗎?
3. 可以幫爸爸要求換醫生嗎？
4. 醫生護士明知爸爸有病, 也不告訴我們家人, 我們成家人都日日去探爸爸, 好多時以為佢無病就無帶口罩, 那佢地唔告訴我們, 是不是有問題呢~
5. 有方法令醫院立即跟進嗎, 因為他的病不可以再拖了~
希望大家幫幫我~v
3.
更新1:
爸爸係清醒呢, 佢由頭都尾都好清醒, 他說不到話, 但可以做口型同我地溝通, 而且近來手腳四肢都開始有回感覺及動了一些, 雖然還是無力, 不過是一個好現象, 我請了2個中醫師來看看爸爸病情, 他們也說爸爸是可以在中醫的幫助下恢復走路, 而爸爸的生存意識非常堅強, 他也表示會努力去令自己康復, 其實如果佢肺部無肺炎, 痰越來越少後, 我們就會出院, 佢地也知道出不了院是因為他根本未適合出去, 因為無院舍每日不定時抽痰~
更新2:
那明知道他肺炎是很大件事的, 那就不醫了嗎, 幫唔到佢就要佢死嗎, 病人唔係有生存權利嗎, 爸爸他努力到現在, 由初初入了icu, 到現在開始有好轉, 那位醫生都無睇爸爸, 以為爸爸都是和初初一樣, 四肢動不了, 無感覺, 其實已經有了, 她不理爸爸無問題, 不過如果明知佢有病也當看不見, 我昨天聽到後很心寒, 覺得想謀殺他呢~唉~
更新3:
我們就是無什麼錢, 所以才走不了, 而他們也明知爸爸不是不想走, 而是走不到, 點解要咁樣對佢~~點解~~他們那樣對爸爸, 我是不是有權去申訴呢, 醫生要有醫德的, 之前爸爸的病就是在那打素醫院的醫生護士細心照顧下, 才會那麼快轉去大埔醫院, 現在面對那一班醫生護士, 我們有什麼辦法呢, 請幫助我們~