老公有第三者,如何是好?

我相信你老公唔會離開你，如果佢哋要雙宿雙棲早就喺你未知前走咗去，你老公一直保持住，係因為佢唔想變，享齊人之福，佢除咗念夫妻之情，還有你們的子女，哩張係你ｏ既皇牌，所以你千祈唔好發難，如果唔係你一定會輸俾個女人，佢忍咗咁多年都係等你發難，最好就係你一走了之離埋婚，佢就可以坐正，既然你仍然咁愛你老公，你一定唔可以放棄，我亦唔係叫你啞忍，你老公對你更加好係出於愧疚，所以你更應將你愛佢ｏ既心表現出來，偶爾表現你的在乎但又在忍耐，俾佢知你一直俾機會佢，而唔係容許佢繼續下去，相信你要你老公即時做出一刀兩斷真的無可能，俾ｄ時間佢，男人始於都係以家庭為重，最後都係會喺你身邊，同個女人鬥長命，你始終係正印，你一定贏ｏ既．

個第三者都幾好野, 7年內都可以忍到無名無份關係, 既然三個大人大家都可以和平共處, 梗係忍啦! 咪當對方唔存在, 你同老公分開左咁你都唔會開心啦~

成班人一大堆廢答案。

你老公愛你係不容至疑的事實。但與此同時佢亦愛緊另一個女人。
愛是無限的﹐無限的一半﹐仍是無限。
男人天生就係可以見一個﹐愛一個架啦 !

法﹐情﹐理。三樣獨立且無關之事﹐就係咁比個婚姻制度硬拼在一起。這個制度不足一百年﹐比起五千年歷史﹐n 咁多年的遺傳基因﹐這不足一百年算是什麼 ?

你問任何人都無用﹐問心吧 !
接受得了﹐維持現狀。
接受不了﹐咪離婚 lor.
不要理身邊的人怎想。你活著是為自己﹐不是為了身邊班八公八婆。

你同你老公溝通吧~這是你們兩人之間問題~你也不要太過依賴你老公~我經歷了爸媽兩人離婚一事~還有媽媽的朋友也是這樣~她們從朋友得知老公外面有第三者~我最佩服鄰居的阿姨~她得知老公外遇還在街向眾人面前打他~看來她老公也不敢接近那個女人了~我爸也是~我從小已親眼看見爸外遇~可惜媽都不知情~其實她從朋友得知~知道才不敢說出來~我長大了也明白婚姻最重要兩人一起白頭到老愛護自己家人~愛他但他對你做了不該做的事~你值得對得起自己嗎?你說他和第三者表示可和平共處,那他有沒向你保證過會否和那女人分手及不要做些親密關係~你說他對你好表示還會對那女人好,那麼一起好吧~我勸你好好想一下要他怎樣保證你,如果他不敢保證的話,表示他不愛你也不會珍惜你,你和他離婚吧!把你子女帶到你身邊!如果佢敢保證的話,或許你想多了,你說你老公7年來沒有在外過夜,表示沒有什麼事,他一放工就回來,放假全陪你們,聽起來像好爸爸一樣~"他說不會放棄家庭,我們一定可以白頭到老"這是他說的,這是他承諾一定負上責任去完成。聽你說"究竟我老公是否還愛我嗎?第三者為何沒要求名份?我知道我老公不會與她組織家庭?我現在很愛我老公,有何方法令他們分開?若果我忍耐下去,第三者是否等到人老珠黃自動離場?"我相信你老公一定要守承諾,同時要加緊你老公,以及你多與老公溝通。兩夫妻一定要加強溝通保持關係近親密,你不要多疑~這樣你老公會覺得你很煩的。記得叫老公守承諾,這樣會此你安心。

生命是藝術！
相處是藝術！
我們的一生本是一個很大的藝術！
沒有人知道，作了一些决定 / 處理.......最終後...對自己的後果？
自己不知道！老伴不知道！第三者也不知道！
其實在妳的文章內容，不難找出妳自己的意向，這個意向便是妳的大方向，你便朝著這方向 (我現在很愛我老公) 做據點！
請繼續努力寫好你 生命的藝術！！！
退一步！想一想！
還欠什麼呢！對方可以給他什麽呢！自己還可以給他什麼呢！
祝你是最後的勝利者！！！

佢唔會同第三者分開,亦唔會同你離婚
但你迫佢揀,佢揀離婚多D
條女迫佢,佢會放棄條女機會大D
麻甩佬如你老公,婚前未泡過,婚後一潭死水,出事係遲早既事
男人唔滾皆因冇銀

首先你耍接受同完原諒對方。彼此作出妥協。學習信任同了解對方，其實每個人都想/需要人了解自己。最重要既係唔好講D會傷害彼此之間感情既說話。人既記性好好，可以一生一世記得對方講過既野。愛情好多時會不知不覺中轉變為感情同友情，親情,你會逐漸將對方視作你生命中的一部分，有D人因為唔可以離對方而選擇結婚,但係愛情己经不存在,愛情冇可能一生一世,緣來緣去,緣起緣滅。點解兩個人偏偏要係此時此刻相遇相愛? 你要記住，所謂緣份係彼此之間既選擇，而你地每一句既說話，每一個既諗法, 每一個行為,每一個既選擇都可能影響你地之間既緣份 。如果當你已經盡左最大既努力，依然發現無法延續吸呢段婚姻，就係緣份出左問題

2008-08-25 06:02:42 補充：
兩個人點樣一齊生活係團隊精神 (Teamwork)。好多人都唔識點去( 愛/關心) 自己,因為佢地邊身既人都唔識得點去(愛/關心)佢地! (愛/關心)需要互動(而唔係交易!!!),而我相信愛應該係由關心別人去開始... 可能有日佢會後悔, 但係唔好傷心,亦唔好灰心,你已經努力過,真真正正失去一個好朋友係佢而唔係你﹗你應該問自己你會用幾長時間去感動對方,幾長時間之後你真真正正放棄﹖每個人都有佢自己既撰擇,對方唔一定要接受你既愛/關心,所从唔好俾自己太大壓力,亦唔好俾對方太大壓力,就算真係失敗你都只係输左比俾自己既耐性,啱唔啱?你前面有更多美好既事和美好既人等緊你﹗

你老公係一個好人, 同埋幾顧家, 但係佢亦都好自私~~~!!!

佢如果真係愛你同呢個家, 點解出面會有外遇!? 仲要係有外遇左七年咁耐~~~!?

雖然佢事發之後好努力去挽救呢個家, 佢做哂所有好老公應該做既野, 但係佢有一樣野係冇做到, 亦冇諗過去做, 就係同佢出面果個女人分手~~~!

如果佢真係唔想頭家散, 點解佢仲要同果個女人來往~~!?

可能佢只係唔想在兒女心中留有壞形象~~~!

你唔好諗住第三者會唔要名份, 任何第三者都唔會甘心一世都係第三者, 這是不變的定律~~佢唔會等到人老珠黃自動離場, 而係佢會等你老公對佢越來越掛住果陣, 最後唔要呢個家同佢組織新既家咋~~~~~!?

可能你好愛你老公, 可能你好唔想頭家散, 但係.....要散既, 紿終會散, 唔理你有幾唔想都好...因為你老公已經唔愛你了, 由佢仲未肯同佢出面既第三者分手就知了, 所以你要有心理準備, 你老公佢會隨時離開你同埋呢個家, 只係唔係短期內既事jei

你既仔女都十七歲同十三歲啦, 佢地都懂事, 你就算冇提, 佢地都get到乜事, 如果佢地問到既話, 你就同佢地講啦, 不過你要好婉轉咁講, 同埋同佢地講就算你同佢地爸爸萬一有一日真係分開左, 你同佢地爸爸都會好似以前咁愛佢地既, 叫佢地唔好擔心, 我諗佢地會識諗架la

我知道"寧教人打仔, 莫教人分妻", 我上面講到好似你同你老公要離婚冇行咁, 其實上面只係最有可能出現既情況jei

如果你要阻止你同你老公離婚收場, 你而家可以做既, 係同你老公講, 佢要同第三者分手, 唔可以一腳踏兩ships, 佢只可以揀你呢個家同第三者既家是但一個, 睇下佢會點揀, 但係, 唔好用迫佢既口吻講, 而係用商量既口吻講, 你話如果再咁三角關係落去, 對三方面都唔好, 而事實亦係咁

或者你老公最後揀既會係你都未定, 但係佢都冇少少可能會揀第三者而唔要呢個家

所以你要堅強d, 最好最壞打算了

其實其中一方有第三者, 不是單方面的問題. 先想想兩人相處是否有問題? 以致有第三者呢? 既然你已經知道啦... 想想你有幾愛他, 他有幾愛你.... 是否可以繼續一起? 坦白說你們已有對仔女. 你們也不想他們變單親家庭的小朋友. 心平氣和同老公傾傾啦... 可能可以解決到件事... 但同時記得. 如果解決了. 心都要放開... 因以後既日子帶住這條"次" , 永遠只有不快..

1) I'm sorry to hear about your marriage situation
2) Your husband seems like the "family man" type, which is why that he won't give up on you or your children
3) It seems like your husband is trying to be a good husband, and a good father by coming home on time

*Although you said, him and her are still have 聯絡 with each other... Keep observing, but it seems to me that you still LOVE your husband very much. I think it's not possible to tell him to break all communications from her immediately since they were together for 7 years.

But you already said, he always come home on time, and never spend the night outside

So that is another good sign. He wants to gain your trust back, and don't want his image to be destroyed in front of children

Good Luck ~ Do what makes your HEART happy Take Care ~