bb手腳涷兼出汗, 點解?

首先你要冷靜！！同埋你要知道每個BB都唔同，訓得好，食得好，好大隻唔代表一定係好架。我個仔一樣比人地細粒，比人地訓得小，比人地飲奶飲得小，但佢講野叻過好多同齡既小朋友。每個BB都有自己既長處，唔好羨慕人地既BB，應該係自己個BB到尋找長處，尋找一D自己個BB先有既優點 (一定有既，唔好話冇，冇既只係你未發掘到姐)
如果佢唔係發燒但係又成日手腳凍同出汗，你就要睇下佢係咪標冷汗喇，你要比有袖既衫佢著，尤其係冷氣地方。你可以試下比保嬰丹佢食，一個星期食兩次，覺得佢好D就一星期食一次。若果之後一直都冇咩事就一個月食一兩次就夠喇
至於飲奶之後嘔既話，你就要小心D，每次飲完奶都要掃到佢"UR"先好比佢訓低，若果佢真係好易嘔既話，最好分開比佢飲，飲完一半掃下佢，等佢落左格先再飲埋另一半，咁佢嘔既機會就會減小D架喇。我個仔到六七個月都會間唔中嘔下，所以你個B四個月嘔都唔出奇。
不過如果佢真係每次都嘔既話，其實會唔會係果隻奶粉有問題呢，可能係隻奶粉唔岩佢飲，若果你既話就要轉奶粉架喇，你可以去睇下醫生，醫生會建議你架喇
慢慢黎啦，湊BB係要好有耐性架，加油呀，媽媽！

手手腳腳出汗又成日凍冰冰~
可能係因為佢脾虛所引致~
你可以試下用 d 淮山煲水~
用果 d 水黎沖奶比佢飲~
如果係飲人奶咁 d淮山水就就咁當水比佢飲~
睇下有冇改善啦~
因為我 2 伯個仔細個時都係咁~
亦都因為脾虛~
佢地食得小又唔吸收~

bb嘔奶可能肚仔有風,煲d開奶茶俾佢飲,或者買珍珠末,保嬰丹.

佢時常嘔奶又飲得少,妳有無帶佢睇醫生,可能隻奶粉唔岩佢,
睇吓可唔可以轉奶粉.

手腳凍唔怕架,只要身體其他部分暖,就得架喇.

其實湊小朋友要好多耐性,有要給收其他媽咪既意見,不過佢
地既意見好好架,我都給收唔少.