ｂｂ４個幾月可以食ｄ咩？

講健康有益梗係自己整 ge 好啦~
不過如果真係要返工唔方便都冇辦法~
其實依家除左罐頭之外...仲有 d 粉狀 ge 糊仔~
亦都係一個好方便 ge 選擇~

4個幾月大可以食糊仔~
或者比較稀 d ge 粥仔~
我可以比個幾方便 ge 煲粥方法你~:
先洗米...幾多就你自己預喇~
洗完之後裝小小水...大約浸過米面 1 - 2 cm 左右啦~
之後放入冰箱雪硬佢~
煲 ge 時候先將水煲滾~
再落果舊冰米~
溶晒之後輕輕攪下佢~
15 - 20 mins之後就有一煲又綿又爛 ge 粥仔喇~
效果同街外果 d 粥麵鋪天光 5 點幾就煲 ge 粥差唔多~
怕就咁白粥冇味可以買條魚~
蒸熟拆肉起骨撈落 d 粥度...
唔好落油同豉油丫...真係怕味道太寡可以落 dd 海鹽....
或者用半個甘荀磨茸直接同 d 粥一齊煲, 甜甜地就唔需要落鹽喇~
再唔係 ge 可以買 4 份 1 個南瓜, 蒸熟起肉磨茸撈落 d 粥度~
又或者買 d 瘦肉, 切大片滾成瘦肉水...再用呢 d 水黎煮舊冰米~
亦可以加入波菜, 但唔好太多..一棵就夠了~
太多鐵 bb 吸收唔到有機會令到佢地便秘~

食到幾多份量因人而異~
你可以先由小半碗試起~
唔夠先再加囉~

罐頭食物始終都冇自己整咁新鮮架喇，不過間唔中食一次半次當然冇壤啦
四個月既BB一般可以開始試食糊仔或者粥仔。糊仔就咁係街買開水或者開奶比佢食，方便簡單，亦可以加D生果溶落去。煲粥仔都好簡單，只要你識煲飯就得架喇，落水比平時多一倍，見到D米開花(即係爛開)再煲多佢15-20分鐘就得架喇。因為剛剛開始食粥仔一定係食稀粥，等佢慢慢習慣左固體食物先可以煲杰D。仲要開始既時候係比幾淡佢試下，等佢適應幾日先好慢慢加比佢。
材料方面你可以用瘦肉、魚、瓜、紅蘿蔔、蕃茄、菜、蛋白(蛋黃要接近一歲先好食)，加落去D粥到一齊煲，等D材料出味就OK架喇。鹽就唔可以落住，到佢有七八個月大先落小小，而家佢食呢D鮮味就夠架喇。每樣材料都要連續比佢食三四日先好轉第二樣材料，開始時用一種材料，慢慢先加多D一齊煲，咁樣先可以比BB慢慢適應
不過要提提你，唔係個個BB都會食糊仔同粥仔既，好似我個仔咁，佢就冇點食粥仔，好細個已經食飯仔，即係林D既飯，所以若果佢唔食既話都唔好迫佢，隔幾日先再比佢試過。都係唔食既話都冇緊要，六個月之前佢識食到固體食物就足夠架喇
生果方面你可以將生果整溶餵佢食，香蕉，蘋果都可以。就算其他生果都可以切到好細粒咁比佢"梅"下，等佢過下口癮。