點樣可以令兔仔唔好周圍咬野?

我有兩隻兔兔,一隻兩歲,一隻三個月大,第一隻先返屋企,三個月果隻岩岩返...
第一隻兔兔,因為無咩經驗,所以就唯有用阻止方法,最怕嘅係佢咬電線姐..因為長期唔比佢咬野,當佢咬就會閙佢,佢比較蠢所以過左幾個月就養成左習慣....第二隻返屋企,就好似你果隻咁,呢次有左d經驗,所以就試下咁..
1.佢一樣唔鍾意磨牙石同草磚,但我知道佢有需要咬野,因為牙仔不斷增長,令佢唔舒服..所以我去寵物店,有好多唔同味嘅(好硬嘅)小食,選左幾種細細包果d,睇下佢喜歡d咩野,之後搵到幾樣佢超喜歡嘅.咁佢一得閒就去咬,我睇佢大大減少左咬野.我覺得唔比佢咬係有d困難,所以不如搵d咬得嘅比佢.不過唔好比太多..
2.兔仔天性好喜歡山洞,有次佢見到我新買嘅短腳小椅子,由於我喜歡係椅上加一張毛巾,點知佢一見到就衝入去,半日都唔肯出黎,好鍾意自己係入面訓覺,自此,我發現佢無咩咬野哪...可能係轉移左視線...
3.佢始終係好好奇,間唔中都會想咬野.所以我去左10蚊,買左d欄,有長方型同四方型,如果兩個就用繩束好,跟住放係門邊,等佢咬唔到,如果你唔知點固定個欄,你可以用水樽,然後載滿水,跟住頂住欄嘅兩邊,咁佢就唔容易推倒哪...過左段時間,等佢適應左至拎左d欄...
上面果d係我根據自己家居同兔仔性格而做,你可以觀察自己兔仔需要而試下改變佢行為嘅......

你可以用菜汁墝上磨牙石

我屋企二隻兔起初都會咬，
什麼磨牙石、磨牙木通通唔用，放哂係籠到等封塵，
最後訓練佢識聽 "no"，
每次佢地咬就大聲叫 "no"，跟全好惡咁講 "打死"，
久而久知佢地知道亂咬野就俾人鬧，
跟住就無再咬囉。