趙雲強or馬超強?

jelly兄講既野大致正確，我想再詳細啲比較兩位名將。其實馬超無得同趙雲比，因為子龍無論出身、軍功都比馬超好太多，如果純以軍旅經驗來睇，馬孟起只能做趙子龍既副將。

趙雲係一個出身極早既軍人，十幾歲已經跟隨北方名將公孫瓚(我記得係咁)打黃巾賊，公孫軍有好表現被加獎，當時劉備已經留意到呢位猛將。後來趙雲投身劉營，最突出既就梗係長板坡救幼主一役。雖然曹操嚴令唔放箭先至令趙雲行動自如，但有一段小插曲可以証明趙雲的確係虎將。曹操以佢細佬曹洪及許渚為近衛隊司令，曹洪對自己既槍法極為自信，而佢自曹操起兵就跟隨佢大佬東拼西殺，一早已經係名震天下既猛將。曹洪見趙雲殺得性起，就想落山挑機立大功，但曹操立刻阻止。原因好簡單，因為曹操知道趙雲的確唔係普通人，即使曹洪軍功屢屢，單對單其實真係未必輸，但曹操肯定唸起當年於虎牢關前連斬十八大將既華雄都竟然敗於一個叫關羽既弓箭手之下，呢個趙雲可以同關羽一齊出生入死，肯定非凡，所以曹操寧願放過趙雲都唔敢損失一員大將。後來趙雲到死都無受過魏、吳兩國任何一位大將既真正挑戰，而趙子龍既威名足足遠揚超過五十年，佢打到七十幾歲都可以做前鋒，雖然証明左後期蜀國人材不足，但亦証明趙雲係真虎將。

馬超又點﹖馬超最矚目既其實係佢既出身。馬家四代都係西涼既領袖兼豪門大族，但馬家既勢力無論如何都只係限於西涼。而且，大部份人比面西涼都只係比爸爸馬騰，而唔係馬超馬岱兩兄弟。同三國時代唔少諸候、將軍、文人一樣，馬家都名大於實，馬騰長期偏安於西涼，既無軍功又無政功，後來佢亦好窩囊咁比曹操厄在去送死。馬超係臨時臨急接手，既無經驗又實力不足。最後始終都抵擋唔住魏軍，連保存一片根據地既能力都無而被迫遠走蜀漢。馬超其實係佢爸爸死之前無打過好多場勝仗，佢既名聲主要都係來自家聲既餘蔭，論實力軍功點同打左幾十年仗既趙子龍比﹖而馬超係民間既聲譽主要來自佢係虛構既五虎將中之一員，但其實小弟睇左唔少網頁資料，都話蜀國根本就五虎將，事實上如果真係要選都唔知點選好，黃忠及馬超軍功完全無得同其他三人比，點做得五虎將﹖後來馬超係蜀國既經歷就証明左馬超軍旅經驗不足既事實，佢係蜀國長期不被重用後鬱鬱而終。

我覺得馬超最大既問題係佢唔承認自己比唔上其他將軍既事實，同埋佢太想報仇，以至佢無辦法振作係軍中服務。如果佢靠腳踏實地啲，自動請纓做關、張、趙任何一位將軍既副將，咁我唸佢會有作為好多。

馬超玩猛
趙雲用技術(打持久)
還有,趙雲不是七十歲老將
承louis8864說「都唔知你點樣升到碩士級?」

演義影響太大==！,,

我個人認為馬超較強,好多人會以為馬超只有勇而無謀,但實際馬超係有勇有謀,馬超為父報仇打曹操係人都知,佢係身為大將,佢既戰略不比曹操弱,初期打到曹操打親都輸,曹操做咩佢就破壞個樣野(曹操想起一座土城做根據地,佢故意係曹操就搞店個時用水破壞佢,浪費曹操大量人力物力之餘又大減曹操軍士氣,十分高明),如果唔係後來曹操用反間計令韓遂反叛,馬超係一定嬴。
勇方面雖然佢初期長期係西涼,冇咩記載,但係西涼人驍勇善戰就人所共知,特別做得將領就更加唔洗講,而且曾經記過諸葛丞相講過一句說話:「馬超之勇武,比呂布過之而無不及」,因為佢孔明就諗辦法收四張魯寵臣楊松話馬超謀反,係馬超進退兩難既時候收歸旗下。
至於趙雲佢的確神勇,但好多都係演義寫的,真實性未必百分百,而且趙雲初期係效力公孫瓚,對住比馬超打曹操個時既曹操弱上十幾倍既袁紹都只有招架之力,兩人實力高下立見

2008-08-25 18:05:17 補充：
華雄唔係死係關羽手中而係孫堅,你連咁基本都唔識,都唔知你點樣升到碩士級= =

睇吓你打的game有冇戰力衰退，冇就一定will，有的話就要睇戰力衰退程度！
如果你講歷史趙雲一定will!