情情塔塔..求助...

我鐘意左個女仔四年啦.......
咁係我同學又住我樓上既....
我都成日有同佢明示又暗示嫁.......
佢都知道我好鐘意佢啦.....
但係佢好似無咩反應咁喎....
雖然自己好似好犯賤...
但係我真係好鐘意佢.....

之前有一段時間佢唔開心....
我問佢佢都係唔會話我知既....
之後我用左另一個身份去佢個Blog留言安慰下佢啦...
於是我成日上去留言啦...
之後有一次我無留..
但係佢主動send個短信息來叫我去留言...
我又開個新既MSN..佢add左我啦...
於是同佢傾左好多野...
講左好多心事俾我知...
我都成日開解佢啦...
當佢心情好番左啦...
之後我就無用個身份再出現過啦...

四個月後...
我又用個神秘人上左去...
點知佢上左線...
仲即刻add我..
佢話好掛住我..
好多野想同我講...
之後仲係咁問我呢段時間去左邊...
做過d咩..做咩唔玩msn...
咁佢要我電話..我就即刻去買張卡啦..
但係多數都係sms..無講過電話..怕佢認到我把聲..
但係佢又要我俾個樣佢睇..
我成日都係避開左呢個話題..
但係初初佢都有懷疑係唔係我扮既..
之後我都唔認成功過左關..

我地傾傾下...
好多時都講到男女關係...
加埋之前傾既野..
我都知道左佢好多既秘密啦..
幾日之後佢就變成左我女朋友啦..
雖然開頭好多野講...
但係依家d話題真係好淡好淡...
仲有就係佢唔知係我..
因為我話每晚十點後先得閒同佢玩msn...
先平時我無開電話..驚佢聽到我把聲會穿..
佢約我出來見面我就話叫佢考完會考先啦...
但係佢實唔制啦...
咁十月佢生日喎..
佢希望我會同佢一齊慶祝啦..

咁我要點做呢??
如果到時佢生日我話俾佢知我係果個人..
我同佢一齊既機會應該會好微...
我又驚佢嬲...同憎死我..
如果唔出現佢又會失望喎...
咁我要點做好呢??
佢生日又要送咩俾佢呢??
有咩係有紀念價值嫁???
講多d俾我知啦..唔該晒...