結婚做伴郎兄弟衣著問題

Q：請問做伴郎同兄弟係衣著方面有冇特別要求?
答：基本上伴郎 & 兄弟嘅衣著：恤衫、成套西裝、打呔 & 皮鞋就得！總之要 formal！

Q：例如 伴郎有伴郎專著o既衫 / 兄弟又有兄弟專著o既衫？
答：佢哋嘅服裝要求係一樣！沒有專 for 伴郎 / 兄弟嘅服飾...
Q：咁新郎同伴郎著禮服？
答：伴郎係唔會著 formal禮服架！新郎就要，因為佢先係主角....如果連伴郎都著禮服，咪攪到當日好似有兩個新郎哥囉！伴郎唔洗著咁靚架喇，佢唔應該搶新郎嘅鏡！

安伯話：伴郎同兄弟係衣著方面係有特別要求的，就是千萬不要穿禮服，或打蝴蝶呔！
有次做晚宴，個伴郎著到勁行，鑲暗邊禮服加BO呔。成晚被人誤會係新郎，俾人不停恭喜已經唔算瘀，個外勞女領班仲大大叫佢同新娘影全家褔，全場當堂O哂嘴！
其實伴郎同兄弟著西裝就可以了，伴郎襟花比兄弟誇張小小已足夠。唔好喧賓奪主。