新手養小白兔問題....

1.如你所講既係中國大白兔(唔記得個正統名...)，大概$50-$100一隻，如果係其他品種，如貓貓兔(安哥拉兔)、賓尼兔(唔記得正統名x2...)、獅子兔(唔記得正統名x3...)等，就會貴d，現時市價約$350-$600不等，視乎品種、顏色、外貌、血統而定(如純色貴過雜色、紅眼貴過黑眼等)
2.要注意既事項好多，我粗略講d啦︰
飲食方面︰兔仔主要食乾草(唔係公園果d，係寵物店果d)同埋兔糧，草唔使限佢食幾多，佢飽自己會停，而糧就早晚各1匙(湯匙)就夠，
唔好亂餵人類食既野俾佢食(例如朱古力，食左會中毒！嚴重會死！！！)寵物店入面果d兔仔零食都唔好，好高糖份，對兔仔無益。仲有，雖然兔仔可以食蔬果，但唔係每種菜都o岩食，有d食完會腎結石，有d食左對佢無營養可言(如兔仔食西生菜無咩營養)，有d則糖份太高(如紅蘿蔔，一星期一次就好，吸收太多糖會糖尿病)，詳細對應表可於網上搵搵，真係搵唔到e-mail問我，我寄俾你啦(信入面記得清楚留底自己e-mail)。
住方面︰一般會買一個較大既兔籠，約2.5呎x2呎，因為兔仔大得好快，大既籠對兔仔會好d，可以走動下，會健康d，如果想平d用狗籠養兔仔，就要o係籠入面鋪塊「豬仔板」(即係一塊有一個個細窿既膠板俾兔仔瞓，因為狗籠d窿太大，兔仔企 / 瞓係籠多既會生出一個個肉球，咁樣隻兔仔會好痛！所以買籠果陣要注意
清潔方面︰如果有時間既，最好每日換木糠，最多亦唔應該超過3日一次，有心機既，可以訓練隻兔仔o係指定地方去廁所(要花時間同心機，而且唔一定會學識)，短毛兔一日梳一次毛，長毛兔一日兩次，先向逆梳，再向順梳。指甲1-2個月剪一次，唔係兔仔好易整傷自己，但要小心唔好剪到指甲入面既血管部分。至於沖涼，由於大部分兔仔驚水(有兔仔試過因沖涼嚇到休克而死)，所以我建議唔係咁污糟既，梳毛就夠，有d污糟既，至用溫水弄濕毛巾擦身好啦，擦完濕毛巾再用乾毛巾擦乾兔毛，再用風筒開暖風吹(唔好用風口直接吹住兔仔，好易灼傷兔仔既皮膚)，真係好污糟先沖涼，仲要留意水溫要暖，唔好太深水(水位掂到兔仔既肚為適中，用毛巾幫佢洗，要記住盡快幫佢沖完同抹乾，唔係好易感冒。如果唔識或怕自己整到佢既，俾錢搵信譽好既寵物美容啦
健康方面︰多d留意多仔有無d異常徵狀，如唔食野，唔飲水，成日瞓，企唔穩等...一有唔妥，帶佢睇獸醫啦，唔好亂俾寵物店d成藥兔仔食，避免醫唔好佢重要害左佢！！！
3.如果要2隻一齊養，首先要兩隻兔一齊絕育，唔係發情期果陣一定打架！一開始時要分開養，等佢地習慣左你屋企之後，再俾機會佢地o係屋企一個佢地平時唔會去既地方，放佢地係一齊相處吓(如家中既浴缸)，俾佢地認識下對方，睇下會唔會打架，如果見佢地有咩磨擦就分開佢地，隔日再試，如果無問題就俾佢地相處15分鐘左右，分開佢地，隔幾個鐘又俾佢地一齊吓，如果一個星期都無打過交，咁佢地就已經接受左對方做同伴，絕大多數唔會打架。(如果佢地相處左極都打架既，咁只好分開養，因為佢地唔夾)佢地打唔打交，係同品種無關，唔同品種一樣可以一齊生活，問題係佢地接唔接受對方。

養寵物其實係一門好深既學問，我自問都只係摸索緊，不過，做主人既最緊要係有愛心同負責任，因為，對你黎講，佢可能只係你生命中既一個過客，但對寵物黎講，你，就係佢地生命既全部！願大家養寵物前先考慮清楚，為佢安排一個舒適安穩既家。

~共勉之~

有錯請指正，謝謝。

2008-08-26 20:51:56 補充：
原創文字，請勿抄襲，轉載請列明出處，感謝你的尊重。
尊重別人之創作能使別人有動力繼續創作為大家出力，謝謝。

內地白兔幾十蚊有交易，　去兔協領養就更好，　我試過兩隻男仔，　打到飛起，　要買兩個鐵籠，如一男一女就要絕育．　

有關養兔的問題, 可以到

http://mini-house.info 發問

一隻白兔不用 $100

如果要養兩隻, 有很大機會打交, 需要時間認識對方

不要養一男一女, 因佢地會繁殖得好快

之前有人生左 40幾隻家兔先周圍搵人養

1.我曾經買過100蚊隻,不過唔知咩原因,真係好快就死左.好好地都會死左嘅.後來買左隻320蚊,睇到佢真係比較健康,我係網上睇到有d資料話....有D店鋪為左快手,由得佢地近親交配,生下的兔baby原來好易死,所以太便宜真係有風險....
2.我嘅實施經驗係.....我養之前無做足預備,例如個籠放係邊,點樣照顧佢哪,都係唔清楚,結果兔兔返症屋企之後,我係唔識得點去打理佢,而家兩年哪,我至熟手左好多,令佢地都開開心心咁同我一齊生活.....所以你最好唸定先,計劃好先去接佢地返屋企.
3.我最開始係養一隻,佢性格都唔錯,唸住得佢一隻都ok嘅.雖然佢唔係曳,但我感覺到我返工之後,佢真係好悶,所以當隻兔兔(男仔)兩歲到,我就再養兔一隻(都係男仔),好多人講會打架,我就打算比佢地慢慢融合,結果細果隻一返屋企,就(痴)住大果隻,兩個日夜都緊貼著,所以如果你想養兩隻,我建議你前後腳咁養,先照顧好第一隻,再慢慢加入第二隻,會易控制好多...
如果一仔一女養就要做絕育..唔係你就煩哪....
兩隻女仔當然無問題...
養之前你可以睇下保護遺棄動物協會嘅網頁,我都係睇佢黎學野,幾有用,可以幫到你....
最後....歡迎你成為兔主人...哈哈...