針炙可以幫助醫濕疹既

濕疹大忌用過熱既水，發得仲勁，醫生建義盡量用較冷既水溫，咁樣會好好多。（醫生無同你講過咩？）
我沖太熱水時，手指手掌同腳都會好痕同埋紅腫，呢ｄ都係敏感徵狀。
我都有嚴重濕疹，最勁果陣時含膿添，濕疹唔可以根治（你要接受一世與濕疹同在啦）我同意食物都係影響之一，其次係皮膚保濕上問題，
我患病十三年，發覺家中衛生如床單，被，梳化，沖涼液，動物毛，飲食同埋有無勤力搽潤膚膏係好大影響。
因為濕疹既皮膚好乾，越乾越難好，我有時會好懶唔用豬油膏沖涼，沖涼後同訓醒又唔搽保濕膏，咁濕疹就會發，當我用番豬油膏沖涼同搽保濕膏，即使唔食抗敏藥，濕疹亦無乜點發作。

我唔知濕疹清有無效，但我個人有個方法，如果你對膠布無敏感（有ｄ人對膠貼會敏感出痕癢紅點）可以將類固醇藥膏搽係患處，然後用膠布貼住佢，每日更換，因為貼住咗，你痕時抓唔到，抓唔到就會令傷口變大，藥膏又唔會留係濕疹位置時間長ｄ，大約二至三天，傷口會結疤，直至唔再痕，就唔洗貼，但keep住搽類固醇直正好番為止。(類固醇最好用二個星期便要停一停，因為長期用皮膚會適應咗，無乜作用）

不過你生係手，手毛貼住膠布撕出黎都幾痛下，不過我生係腳，無乜問題，平時係屋企係幾攪笑嫁，對腳貼晒膠布，但係咁樣會好快ｄ，我習慣咗，屋企人都見慣不怪，只要佢唔會變大傷口，係屋企樣衰ｄ有乜所謂。

我呢幾年都係睇街症（唔係專科，我只係睇普通街症）一來濕疹花錢醫佢都要洗好多錢，二來有豬油膏同保濕膏俾我用（市面既保濕膏潤膚膏始終有香劑同其他化學物質，對我而言都會敏感，所以街症既保濕膏無香劑比較適合）

濕疹位置最好唔好再用沖涼液，只用豬油膏清洗患處，然後不能偷懶沖涼後和訓醒即刻搽潤膚（我訓醒第一件事唔係刷牙，而係搽保濕膏），然後食抗敏藥，好番既速度比起以前我睇私家診所快咗，亦得以暫時痊癒，不過都係反反覆覆咁啦，因為我有養動物，無乜點戒口，特別魚生我最愛食，但食魚生都會起濕疹。

我始終覺得，食抗敏藥好重要，因為身體已經出現不能控制既敏感，如果唔食抗敏藥禁低痕癢感，止唔到痕，好難忍，有時訓着覺都會抓到流血，我上排執衣櫃時ｄ衫揚出好多塵，鼻敏感勁發不在話下，ｄ濕疹仲要發到上眼，對眼入面勁痕，好攞命！（醫生話濕疹都會上眼嫁）
咁又可以證實，清潔居住環境都好大影響。

回答 (2)