想出國讀學` 入黎幫幫手=]

其實中三出國讀書都唔算係太細既，好多家長真係有心想俾仔女出去見識下都大約會係呢個年紀送佢地出去，有時可能會再早o的

anyway, 入正題先

首先，你自己心目中知唔知屋企大約既預算有幾多？因為出國講真，一o的都唔平架，我自己係英國讀兩年degree加一年master應該都用左屋企幾乎成7,80萬....

英國同美國算係最貴既選擇
學費唔洗講啦，係香港既好幾倍。我唔清楚讀high school既價錢，但讀大學文科講緊既係一年大約5000-6000鎊，仲有英國每年都會加價=_="

平o的既會有人選擇去加拿大同澳洲
個邊情況我就唔係咁清楚啦，或者你可以試下去海外留學中心個o的地方問下

城市方面，一般出名o的同大o的既城市自然就一定會多香港人，有好有壞啦。好既係初初黎到有照應，但唔好既就係練英文既機會會好少...

不過中學黎講出國人數相對比去讀大學既少，所以短期內對你既影響應該唔會太大

另外，衣食住行方面，只可以幫到你有關英國既...
其實雖然好多人話係外國住生活費好貴，但只要你認認真真想咩都平，都係可以過下o的簡簡單單既"平民生活"

先講最重要既"住"啦
讀中學既話，應該就冇學校宿舍可以俾你住，所以你既選擇有︰

1. 寄住host family
有好多外國家庭 (唔單止係當地人，有時唔國籍既當地居民都有) 都會有興趣俾外國留學生寄住，一般收費會俾住學校宿舍平
價錢: 每星期約30-40鎊
包食宿，水電

2. 出去租屋
有多留學生會選擇出去同其他學生一齊租屋 (即係搵housemates)，都係會比住宿舍平，但每個地區既地價唔同，會影響屋租。一般越近london地價會越貴，而且呢個多數係出黎讀大學時既選擇。中學生一個出黎租屋，我自己會覺得有o的危險
價錢: 每星期約50鎊
不包食，不一定包水電
*如不包水電(bill)，水費係英國係一年定額收費，我記得好似係一個月大約係20-30鎊左右，所以間屋越多人一齊share就會越平；另外電費就係每個月視乎用量而定，大約一個月除開一個人10鎊左右，但冬天要開暖氣既時候就......好傷=o="；至於煤氣費，因為英國多數係用電爐黎煮飯，所以未必要俾呢個費用，但如果要，都係一個人一個月大約10鎊左右。所以如果屋租唔包bill...都會幾貴

食方面啦，一定就會比香港貴架啦。你預係一般supermarket買野，價錢大約係貴香港既1-2倍啦。不過唔洗擔心，你可以選擇去o的平民o的既supermarket, e.g lidl 同aldi 就會平好多 有時可能仲平過而家既香港. (香港而家通脹得咁勁..) 只要你多o的自己煮，就一定平

衣方面..........好難講=o=" 睇你個人對買野既要求... 呢度有間叫primark既，賣超平既衫褲鞋襪，平過你係mk買=o=" 但當然，一分錢一分貨啦，品質當然冇咁好，但粗粗地著...都ok既...=_=" 另外，都可以考慮去H & M，雖然會貴o的，但比係其他都算平。其他選擇仲有...newlook, sportsworld之類。
但真係要買野，建議你可以儲定錢係12月底-1月 同埋 7月呢兩個英國big sale既period先入貨。好多英國人都會夏天買冬天衫，冬天買夏天衫 (即上季款) 黎save money

至於護膚品日用品，可以去boots度買，如果你住個度有quality save 或 body care就仲有，會再平d

行方面，只要你住得近學校，除左係london，大部份英國城市都唔一定要下下都坐車。所以我覺得係英國既交通費雖然係好貴，但overall會平過係香港，因為用既機會唔多

暫時就係咁先啦，唔好意思，只可以幫到你有關英國方面既野

其實出國讀書越細越好，因為越細會容易悉應外國的生活，語言上溝通都是。我認為應該去一D好少hk人的地方。你出國讀書為的都是學好英文，如果太多hk人，同起hk沒分別。應該學習他人的文化，豐富自己。