我ｂｂ 現在四個月,食粥 ｏｒ食火米糊好?如食米糊休麼牌子好?

BB四個月係可以開始嘗試食固體食物，起初比一兩啖好喇，之後先慢慢加比佢。不過若果佢唔肯食就唔好迫佢，隔幾日再試，到六個月正式開始都未遲
至於食粥定食糊好，你可以睇下以下既分析
粥仔﹕自己煲，健康新鮮，可以加各式各樣的材料，營養高，煲多D大人都食得。不過就要時間長D，冇咁方便攜帶，要睇火，食完之後要洗好多野
糊仔﹕食用及攜帶方便，製作簡單，可加不同材料，營養高。不過始終經過化學製造，不及粥仔新鮮健康
另外價錢方面，粥仔同糊仔都可以好貴，亦可以好經濟，睇下你落咩材料。雖然各有好處壞處，但其實兩樣都冇壞。有時間就煲粥仔，冇時間或者要去街就開糊仔，可以兩樣輪住食，比佢有多方面吸收。
若果開頭煲粥仔既話，就要煲稀D，等佢慢慢適應先煲杰D。
至於牌子，就要睇BB既口味喇，因為每個牌子既味道都唔一樣，我個BB食呢隻唔代表你個BB都鐘意食。你可以試下係D藥房到睇下有冇PROMO做，拎D試用裝番去比BB試下，試岩先買，如果唔係買左佢唔食就浪費晒。好多藥房都會PROMO雀巢，我個仔都係食呢隻，可以試下

四個月就俾固體食物bb食,小心食左呢d ,唔想食奶呀!
妳煲d米水開奶俾佢食喇.
等bb六個月先俾希粥佢食,唔好落調味料呀!

如果講健康, 咁就梗係媽咪親手煲 ge 粥仔最有益啦~
到左 4 個月大...你可以試下蒸熟左再起肉拆骨放落粥仔度~
都仲係驚有骨或者 bb 食唔到 ge, 就可以用個密 d ge "喱" 隔一次~
咁就唔驚哽到小寶寶啦~^^
亦可以用甘荀或者波菜呀南瓜呀果 d 磨茸放落粥仔度~
不過煮南瓜就要先蒸熟南瓜先起肉磨茸~
再大個 d 就可以煲下瘦肉粥仔果 d~

糊仔係方便 d ge 另一個選擇~
4 個月大可以食雀巢 ge 奶米味或者米味糊仔~
奶米糊唔需要加奶, 加暖水開到你覺得適合 ge 稀杰度就可以比 bb 食用~
米味就要先開奶再落糊仔粉~
仲有就係亨氏~
佢地 ge 糊仔都唔錯...
不過多數係一樽即開即食果 d~
會比較貴....佢有一款淮山糊仔係開粉的~
味道有小小藥味...但係好有益~
適合一 d 腸胃比較差 ge bb~
另外有一隻台灣牌子叫維維樂都係唔錯 ge 選擇~
不過我唔知香港有冇得買~
佢 ge 味道好香甜...仲有好多種唔同生果 ge 營養~
呢一隻就都係要開左奶水先落糊仔粉 ge~

可以先食米糊,六個月再食粥仔,

米糊(其實比bb食米糊主要係比bb學習嘴饞固體食物)可以選擇雀巢,可

以加d熟雞蛋黃,等bb習慣左就可以食粥仔,粥仔可以加蒸熟既魚(冇油)

拆肉,小心d魚骨,你可以用一個用黎隔水既網,顏爛d魚肉慢慢簡d魚骨,

又可以加雞蓉(整法同魚肉一樣),又可以加旦,芝士(煲好d粥仔落落去,d

芝士會自己溶),仲可以加b蔬菜蓉,其實仲有好多bb菜譜,不能盡錄,如果

仲唔明再問過啦。

啦。