倉鼠會有m嗎?

女倉鼠唔會有m,但會有類似既下體出血多數會在女鼠年紀大既時候,會有2-3次既下體出血,但血只會有數滴,所以一般係好難會見到,只要血次數及量正常,係唔需要擔心,唔會有問題既
如果出血情況異常,血量太多,就可能係有子宮腫瘤

但你話血係由肛門流出唻,如果肯定既話,就同陰道出血唔同了,不過係咩問題都好,有出血既情況,最好都係盡快睇醫生處理
大圍珍禽異獸及寵物醫院 DR.TIGER/DR.LAM
地址:大圍積信街75號地下 Tel: 2687 1030
http://www.taiwaiexotic.com/
基本診金$290,藥及手術另計

下身發現血有以下既可能:
A.內臟出血
鼠鼠趺親,體內有腫瘤or有內出血,都會令肛門有血,一定要盡早睇醫生處理

B.膀胱or腎有問題
會唔會係血尿?鼠鼠排尿既時候會唔會好辛苦咁?
留意返會唔會係有血尿既問題,血尿就可能係膀胱or腎有問題,鼠鼠排尿既時候會感到好痛,要留意鼠鼠平日排尿既時候有冇好辛苦甚至尖叫.膀胱or腎問題多數都因為亂食野,令尿變鹼性,引起感染
呢d自己處理唔到,應該食抗生素先得,病情輕既時候,其實睇醫生係可以好快好返既

C.便泌or肚瀉
排泄太多or排泄困難都易令肛門出血,分辦便泌or肚瀉:
1)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬or林,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做
2)清晒個籠之後,再仔細留意佢既排泄物係咪真係少左or多左
3)睇下鼠鼠排泄時會唔會好辛苦,平日休息又會唔會好痛苦咁縮埋一舊,便秘排泄會好困難
4)便秘有時會見到佢肛門附近會濕濕地咁既,甚至見到有便便塞住,肚瀉呢倨位都會濕,不過就唔會有便塞住

便秘處理方法:
1)將水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
3)有第隻鼠一齊就要分籠,呢個情況好多菌,以免令第隻鼠都唔舒服(不過鼠鼠其實係獨居動物,分開住會好d)
4)保持個籠乾爽清潔
5)情況都冇改善(2日度啦),就必須睇獸醫處理

肚瀉既要留意以下幾點:
1)買d止瀉藥加入水度俾佢飲(Gimborn 止瀉藥OR SUPRA-CELL N700止瀉素幾好)
2)有第隻鼠一齊就要分籠,因為會傳染既,亦有機會係同第隻鼠同住,感到壓力而肚瀉,而且俾藥都要分籠先俾到
3)如同一籠有第隻鼠,亦需留意冇肚瀉既鼠鼠身體及排泄物有冇異常,仲要將佢地既用品完全分開,唔好一齊洗,都唔好掂完一隻又掂第隻鼠
4)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多
5)保持個籠衛生
6)鼠鼠既用品同籠都要用牙膏or動物專用既消毒劑消毒
7)仔細檢查鼠鼠既食物會唔會有變壞or生虫之類既問題,有問題既話可先俾白米(生)俾鼠鼠食,再盡快買返鼠糧
8)唔好食零食之類,蔬果更加唔可以食啦.食鼠主糧,都可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間
9)如果呢兩日有轉過糧,最好可以食返舊既糧先
10)檢查水樽出水有冇問題,肚瀉飲多d水係好緊要,如果鼠鼠冇咩力去飲,就要餵鼠鼠飲水,同時將水樽放近鼠鼠
11)鼠鼠有唔舒服係會特別怕人,都唔好打擾佢咁多
12)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生
13)肚瀉不止(2,3日左右)or瀉得嚴重,就最好去睇醫生

另外,其實鼠鼠最好分籠,我自己一籠一鼠左好耐,鼠鼠身體都好D,唔會被打,又少受驚,詳細建議分籠原因可參考:
http://hk.knowledge.yahoo.com/question?qid=7008072500907

我養左倉鼠7年，都未見過倉鼠囡囡會黎月經!!!
當我見到d木糠有一攤仔血的話，都是因為佢快生BB~~

倉鼠打咬受傷d血無咁多架!!而且佢地識自己清潔乾淨傷口!!!

依我的經驗就應該唔會..
我之前養過倉鼠..我隻女倉鼠都唔見會有M
我諗應該係打傷左..我之前都試過..我都以為佢係流M
但唔係係打傷...

雌性倉鼠係會有m既,但係因為我唔係醫生,肛門出血有可能係黎m,亦有可能係腸腸有事,你留意下鼠鼠有冇其他唔舒服,如唔想食野等等,如果你覺得佢有其他唔妥,可以去睇獸醫,如果佢其他一切正常,好大機會係黎m。

仲有雌鼠鼠黎左m之後,同雄鼠鼠行埋就會有鼠鼠bb,你要有心理準備,因為小鼠鼠好難分別出男,女,如果你唔能夠及時分開佢地養,會越生越多,(一胎有成7-9隻),

聽講女係有m期嫁~~應該冇野既~~你驚就帶佢去睇下啦~~~