極差的節奏感..緊急求救

我唔知你本身小提琴既程度去到邊...
不過咁, 我諗要識跟拍子既大前提,
就係能夠好好控制自己既手指 同埋 最緊要既係冷靜！
唔好成日諗住快快脆要搞掂佢！

以你既方法, 其實係正確,
首先自己係個心到數住 1 2 3 4 先, 最好就用個口講埋出黎,
然後再試一下一下咁拉個單音出黎....
唔好話「都算跟到」, 你係要重複重複不停做一千幾百次,
做到完全穩定, 每一粒音都平均, 乾淨, 流暢.
先再續樣野咁加上去試, 例如 一拍 2 個音, 簡單既句子 之類.
而且都係要完全穩定先好再加要求比自己,
咁樣既基本功先會好！
不過你要緊跟, 一 定 一 定 首 先 要 冷 靜！
唔好一開拍子機就想自己快 d 搞掂 或者成日諗自己用左幾多時間,
其實唔夠專心都係拍子唔穩既原因之一.
同埋 個幾兩個鐘 根本就唔算耐...
有 d 人重複做呢 d 野做一年半載進步都係好少！
玩音樂就係要肯比心機, 有毅力, 熱愛 既人去玩先會玩得好！

2008-08-22 14:31:42 補充：
其實每個人都有自己既工作, 每人一日都係只得 24 小時用,
當然唔係日日坐係到對住個琴, 甚至專業既樂手都會有放鬆既時間！
所以我先話, 係睇你有無呢種熱愛,
有 d 人可以為左音樂呢個興趣,
上少陣網, 打少陣機, 睇少陣電視, 出少次街, 唔去唱 K 唔去大魚大肉, 減少應酬,
唔係因咩想做職業樂手, 而係為開心！
如果無呢個專一既情懷, 就唔能夠要求自己又有咁多興趣, 又想樣樣都做得好.

不過你又唔須要輕視自己, 聽日既人無人知, 變數亦都好多.
在乎你自己點樣去取捨.
所以

加油！

2008-08-24 16:52:41 補充：
如果你覺得考 grade 好大壓力, 老師比得太多野你練, 你絕對可以同佢反映....
我深信好老師絕對會體諒學生,
我都有好多學生都要返工, 但我從來唔會怪佢地練得少,
佢仲肯黎上堂, 對音樂仲有興趣, 我已經非常開心.
=] 唔係個個老師都要學生彃得好勁先開心！只要你有盡過力就可以！
所以你可以放鬆 d, 如果覺得成為一種壓力,
咁音樂就已經變得無意思

其實學樂器同學唱歌一樣.節奏感唔好唔緊要.只要搵岩個方法既根源.就咩問題都解決.首先係要搵人教你學吓打拍子.打拍子打熟左就會跟得上架La.拍子機只係死物.所以係好難跟..我跟左一個教人彈結他既A Sir學唱歌.佢一定要我學左打拍子先.學左之後D音感果然係好左好多.源先我既音感都唔錯.之後佢無彈前奏我都入倒Key.起初我都唔鍾意打拍子架.但後來至知道真係好有用..嚴格黎講識玩樂器既人首先係要學左打拍子先.個A Sir唔單止教人唱歌.仲有教人彈結他.佢有廿幾年彈結他既經驗.有時我仲會同佢同台表演.其實好難得你有咁既學習態度.我真係好想Help倒你.大家都係鍾情於音樂.對音樂有一種執著的態度.有咩音樂上既問題可以大家交流吓..做個空中meuis farid.