尖沙咀帝庭擺酒一問 >.

1: 除基本酒席$外,任飲&椅套要加幾多$ ?
答：我朋友都係 book 左呢間响 09 年中擺酒，佢另加 $450 / 圍 ( for 任飲 & 椅套)

2: 幾時比訂?比幾多呢?
答：第 1 次落訂，每圍 $ 500

3:咩叫大訂呀?落訂都要落兩次ka??
答：佢哋通常要你响婚期 1 個月前落埋大訂，呢個係保障返佢哋，因為買料都要錢架！如果你哋躂訂，佢哋咪好蝕！所以你哋落埋大訂，佢哋就唔驚喇！

4:可以比咩Payment?可唔可以用Card?收唔收change?
答：所有皇上皇集團既酒樓都唔可以用信用卡找酒席尾數！但係落細 / 大訂時就可以用信用卡！
其實大多數酒樓 / 酒店都係唔可以用credit card 找酒席尾數架！多數都要求你用銀行本票 / cash 找尾數，餘數先可再碌卡....因為佢地都係想保障自己既利益！

例如：你既尾數係 8 萬 4，你要先開張 8 萬元正既銀行本票，餘數 4000元 可以碌卡 / 俾 cash....
或者都有人當晚直接即場拆人情黎找數，酒樓 / 酒店都接受，但呢個方法都幾麻煩，因為一黎要拆好耐 & 二黎都幾肉酸囉！

5a:找數時係咪要比貼士?通常比幾多?
答：係！你想唔俾都唔得，因為你俾得少，個經理會不停咁同你講叫你添啲.....
無通常架喎！有人俾 $888、有人俾 $1,388 、有人俾 $ 1,888(不過要視乎你擺嘅圍數多少，你擺得多 tips 就相對要俾多啲！
5b:要用利士封入嗎?有無人唔比ka....
答：唔洗搵利是封入起，現兜兜咁俾佢就得，佢都想睇你哋俾俾幾多...我諗好多人都想唔俾，其實如果你堅持唔俾都得，因為真係無明文規定要俾 tips，你唔俾佢都無你乎！但係你會攪到個氣氛好尷尬 & 場面唔多開心囉！始終辦婚事都係喜慶嘢，皆大歡喜好啲！

6:訂酒席時要注意啲咩??

答：
必問嘅問題:
1. 擺洒廳房?
2. 席數位置圖? (盡近酒樓入口)
3. 每席相距幾多? (不要太迫)
4. 新娘房位置? (應近佈景板)
5. 新娘房內有否廁所?
6. 迎賓位置? (可否較大, 方便放油畫)
7. 能開多少台麻雀?
8. 麻雀服務是否已包括台紙, 籌碼, 台燈…?
9. 是否有咪給司儀?
10. 是否已包括會場佈置? (如汽球, 禮堂橫額, 花牌)
11. 擺酒當日幾點交場?
12. 如包括佈置, 交場時是否已佈置好?
13. 擺酒當晚時間是否有限制?
14. 如超時是否需要補水?
15. 有否專車到指定地點接送賓客?
16. 有否免費泊車服務? (多少小時)
17. 所有席前或席後粉麵酒水如不贈送, 可否自備?
18. 席數可否增加減少?
19. 如增加席數, 酒樓有多少位置給加席?
20. 如減少, 餘下的席數怎樣處理? 可否取消, 退款方式或是後補再食, 如後補限期多久?
21. 如遇颱風或意外, 須取消婚宴時, 訂金將如何處理?
22. 如取消訂單需提前多久通知?
23. 套飺內有否包括 : 多少喜帖, 賓客名冊, 主禮人襟花, 椅套, 簽名紅布, 簽名毛筆, 糖果, 瓜子, 酒水, 香檳, 結婚蛋糕(多少層, 是否只供影相), 茶芥..?附送項目必須得到確認, 必要時於單上列明.
24. 清楚列明茶, 芥, 鵲局, 撲克, 開瓶費, 啤酒, 汽水及席前粉麵的價錢.
25. 所有席前ORDER, 必須經由主人家或指定人簽名才可落單.
26. 菜式必須列明 :如清蒸紅斑, 不要什麼海上鮮(註明幾重), 魚翅必須列明雞絲生翅或鮑魚生翅(當中列明等級及份量)
27. 價錢是否會隨著市價變動? 必須定好價錢.
28. 除加一小脹外, 有否其他需另外收費用的項目, 如有請列明, 列明後必需註明(其他不需額外收費)
29. 是否可以分期付款? 用支票, 銀行本票, 禮券, VISA, EPS,(可否幾樣夾埋), 如有以上服務是否需要另加服務費?

希望幫到你！